- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Na Boneiru, ta mustra cu gezaghebber a actua transparente den caso di diputado anterior
KRALENDIJK – Reciente den un informe den medionan di comunicacion local, a sugeri cu Gezaghebber di Boneiru no a actua den un forma transparente, pa motibo cu el no lo tabata kier a duna oportunidad pa mira resultado di e investigacion den e fail di construccion relaciona na un miembro di famia di e anterior diputado Cicilia. Gezaghebber ta refuta e sugerencia aki enfaticamente y ta duna un splicacion di e manera cu e investigacion a kana y publicacion di esaki.
E CASO
Na luna di mei 2025, despues di un notificacion, a impone un paro di construccion riba un miembro di famia di e diputado di Planificacion y Desaroyo di e tempo ey. Como medida di precaucion y den interes di transparencia y pa evita cualkier apariencia di actuacion no integro, Colegio Ehecutivo a dicidi pa laga haci un investigacion independiente di echo. Como consecuencia di resultado di e investigacion di echo, Gezaghebber a dicidi pa laga haci un investigacion dirigi riba un persona especifico. Enfoque di e investigacion aki tabata pa determina si tabatin cuestion di (un apariencia di) conflicto di interes, influenciamento of favorecimiento di parti di e (anterior) diputado.
RESULTADO DI INVESTIGACION
Despues di entrega di resultado di e investigacion di continuacion aki, dia 8 di december 2025 Gezaghebber a comparti esaki cu Conseho Insular. Cu esaki e resultado aki a bira publico tambe. Tambe Gezaghebber, pa medio di un informe pa prensa, a informa pueblo tocante presentacion y nucleo di e resultado. Como consecuencia di un peticion pa publicidad, entidad publico Boneiru e luna aki a comparti resultado di e investigacion directamente tambe cu un periodista.
LAMENTO
Gezaghebber ta lamenta cu den e informe relaciona cu e publicacion aki, nan ta insinua cu deliberadamente a tene informacion atras. Sin duda ningun momento e ta rechasa e insinuacion aki. Na tempo, y cumpliendo cu su deber, Gezaghebber a informa Conseho Insular, cu ta e organo designa pa duna un huisio politico tocante e resultado. E conclusion cu den medionan di comunicacion nan ta conecta na e manera cu publicacion di e fail aki a kana, en realidad no ta correcto. Pa e motibo aki Gezaghebber ta spera cu e medionan di comunicacion cu a saca e conclusion aki, ta reconsidera y coregi esaki. Transparencia ta un valor importante den nos democracia. Gezaghebber ta y ta keda compromete pa den desempeño di su funcion, duna contenido na e valor aki conforme su honor y consciencia.
Na Boneiru, UPB, MPB y Serberie ta forma coalicion nobo
KRALENDIJK – Union Patriotiko Boneriano (UPB), Movementu di Pueblo Boneriano (MPB) y miembro independiente Salma Serberie lo forma hunto un coalicion di gobierno nobo.
KLM Airbus A330 ta para na Bonaire: avion ta warda pa piezanan
KRALENDIJK - Un avion Airbus A330 di KLM a keda para dialuna anochi na aeropuerto di Bonaire pa motibo di un defecto tecnico. E buelo KL767 a sali di Aruba cu destino pa Amsterdam, cu un escala na Bonaire Flamingo International Airport, pero e no por a sigui cu su biahe.
Boneiru a pidi Hulanda pa intervencion urgente contra subida di prijs
KRALENDIJK - Kolegio Ehekutivo di Boneiru a pidi gobierno di Hulanda pa tuma accion rapido pa frena e subida di prijs riba e isla. Pa motibo di tension den Medio Oriente y problema den transporte maritimo, gastonan di karga a subi, loke ta pone cuminda y kombustibel bira mas caro.
Crisis politico na Boneiru ta escala: Weber pone su puesto disponible
KRALENDIJK – Diputado di Finanzas di Boneiru, Anthony Weber (M21) a dicide pone su puesto disponible cu efecto inmediato despues cu un crisis di confianza a surgi den colegio di bestuur. Segun Weber, falta di confianza y posible contra echo interno a hunga un rol importante den su decision. Ya tabatin señalnan di tension den gobierno, pero e situacion a agrava despues cu un comunicado oficial a wordo publica sin su consentimiento, aunke e tabata na su nomber. Esaki, segun Weber, ta mustra claramente un problema serio di confianza entre coleganan.
A confirma sospecha di infeccion di chikungunya cerca un habitante na Boneiru
KRALENDIJK - Na Boneiru a detecta un caso sospechoso di chikungunya serca un habitante despues di un biahe na Surinam, unda e persona probablemente a contrae e virus. E diagnosis ainda mester wordo confirma cu investigacion di laboratorio. Autoridadnan a tuma medida pa controla sangura rond di cas pa evita propagacion. E caso ta bin den medio di un aumento di chikungunya na region, incluyendo Surinam, Cuba y Guyana. E enfermedad, transmiti pa sangura, generalmente ta leve pero por causa sintomanan manera fieber y dolor di coyuntura cu por dura tempu.
Minister di Husticia di Sint Maarten kier usa modelo di Aruba pa reforza control
PHILIPSBURG / ORANJESTAD – Minister di Husticia di Sint Maarten Nathalie M. Tackling kier usa modelo di Aruba pa reforza control
Follow NoticiaCla
