- Hulanda a bin di patras y gana Nicaragua 4-3 den un final dramatico den World Baseball Classic 2026
- Aruba ta conoce su di 4 morto den trafico pa 2026
- Venezuela a logra un victoria di 6-2 contra Hulanda den e World Baseball Classic 2026
- Van der Burg: No ta sostene idea di Eman pa cambia debe di Covid den fondo di inversion
- Vd Burg: No ta dispuesto pa 'cambia' e version actual di HOFA
Relaciona cu caso di sarampi na Bonaire, ta investigando su exposicion na Aruba
ORANJESTAD – Na Bonaire a confirma riba 1 di februari un caso importa di sarampi. Esaki ta wordo informa door di Directie di Salud Publico Aruba. For di investigacion epidemiologico ta resulta cu e persona infecta a transita via Aruba entre 28 y 29 di januari, ora cu e ya tabata mustra sintomanan di sarampi. E persona a biaha for di su pais di origen via Aruba pa Bonaire. Segun Directie di Salud Publico, durante e periodo ey por a tin un exposicion corto y posible na virus di sarampi na Aruba. Te awor no a wordo registra ningun infeccion local riba e isla. E directie ta adverti cu e cantidad di casonan di sarampi na mundo ta crece y cu na varios pais a wordo reporta brotenan. Pesei nan ta yama e poblacion pa keda alerta, cu atencion extra pa hende cu ta traha den sector turistico, manera hotelnan, restaurantnan, aeropuertonan y transporte publico.
CARACTERISTICANAN
Sarampi ta caracteriza entre otro pa fieber halto, nariz corriendo, tos seco, wowonan cora of inflama, dolor di garganta, cansancio fuerte y rash di piel cu normalmente ta cuminza na cara y despues ta splica riba henter e cuerpo. Desde 1979 Aruba ta ofrece e vacuna contra sarampi na tur mucha. Segun datonan di Jeugdgezondheidszorg, e grado di vacunacion ta rond di 95 porcentahe. E porcentahe halto ey ta duna un proteccion fuerte pa e comunidad, y pa esei casonan eventual na Aruba ta spera keda limita y hopi biaha cu un curso mas leu. Na mesun momento, Directie di Salud Publico ta enfatisa cu responsabilidad personal ta sigui importante, especialmente pa hende cu no ta sigur di nan status di vacunacion. E consehonan inclui laba man regular, cubri boca y nariz ora ta tos of niesa, keda na cas ora tin sintomanan di enfermedad, no manda mucha cu kehanan pa scol y tuma contacto cu medico di cas ora tin duda.
Segun e directie, e comunicacion aki ta parti di e sistema continuo pa prevencion y supervision di salud publico.
Nicole Marlin ta bira director di oficina Banco Central na St Maarten
WILLEMSTAD/PHILIPSBURG – Centrale Bank van Curaçao en Sint Maarten (CBCS) a anuncia e nombramento di Sra. Nicole Marlin como Director di su oficina na Sint Maarten, entrante 1 di april 2026. E nombramento ta sigui un proceso di reclutamento cu a wordo haci cuidadosamente, den consulta cu e Supervisory Board.
Cft: "Boneiro Mester di mas fortalecemento di maneho financiero"
KRALENDIJK – Riba 23 di februari 2026, Colegio di supervision financiero di Boneiro, Sint Eustatius y Saba a bishita Boneiro. Durante e bishita aki, e maneho di e entidadnan gubernamental a para central. Cft ta urgi Boneiro pa determina y implementa un politica oficial dirigi riba entidadnan gubernamental. Banda di esaki, Boneiro mester inverti den fortalecemento duradero di maneho financiero, y duna prioridad na mehoracion di e capacidad di implementacion den e organisacion.
Boeing 787 di Air Europa ta marca e prome aterisahe comercial na Venezuela desde caida di Maduro
CARACAS - Un avion tipo Boeing 787-9 di compania spaño Air Europa a aterisa na aeropuerto internacional Simón Bolívar cerca di Caracas dialuna anochi pa 9:00 (0100 GMT) diamars. E buelo aki ta representa e prome buelo comercial europeo cu a drenta Venezuela desde ora Merca a tumba presidente Nicolás Maduro. Monitor di rastreo di buelo a confirma e yegada, señalando un regreso gradual di companianan internacional cu a para operacionnan despues di un advertensia di autoridadnan di aviacion di Merca tocante posible actividad militar den espacio aereo Venezolano na fin di november.
Mas pasaheronan i buelo na aeropuerto Sint Maarten den 2025
PHILLIPSBURG - Princess Juliana International Airport riba Sint Maarten a procesa mas pasaheronan den 2025 cu un aña prome. Segun e aeropuerto, e cantidad di biaheronan a subi di 1,6 miyon den 2024 pa 1,8 miyon den 2025. Cu esey, e recuperacion di e aeropuerto ta sigui avansa, despues di e fuerte caida den añanan anterior.
Aeropuertonan cubano ta menasa di keda sin kerosin den 24 ora
HAVANA - Trafico di avion for y pa Cuba ta den peligro serio di wordo perturba, awor cu stock di kerosin den e pais ta den caba. Gobierno a adverti companianan di aviacion cu dialuna proximo lo ta e ultimo dia cu lo tin ainda combustible disponibel na aeropuertonan Cubano. Te poco tempo pasa, Cuba tabata ricibi petroleo for di Venezuela, pero Merca ta blokia exportacion di petroleo awor. Presidente Donald Trump ta mira Cuba como un amenaza pa seguridad di Merca. For di Europa, entre otro, Air Europa, Iberia, Neos y Turkish Airlines ta mantene conexion di buelo cu Cuba. Actualmente no tin buelo for y pa Hulanda: KLM y TUI fly a stop cu ofreser buelonanan pa e pais durante e ultimo añanan. Un representante di Air Europa a laga sa cu e buelonanan entre Madrid y Havana lo sigui provisionalmente. Durante e biahe, avionnan ta tuma combustible na Santo Domingo na Republica Dominicana.
Negoshinan na Bonaire awor por usa internet di Starlink di Elon Musk
KRALENDIJK - For di awe, Successfully ta ofrece servicionan di internet Starlink pa negoshinan na Bonaire. Danki na e permiso reciente pa servicionan Starlink den Caribe Hulandes, duna door di Rijksinspectie Digitale Infrastructuur (RDI), negoshinan por awor usa e solucion potente di internet satelital di Starlink. E technologia aki ta ofrece un conexion stabyl y rapido, tambe na lugarnan unda solucionnan tradicional di internet ta limita of no ta disponibel.
Follow NoticiaCla
