UPDATE: Cu casi tur voto conta, toch PVV a pasa D66 den eleccion Tweede Kamer

DEN HAAG – Si e exitpolls na Hulanda pa e eleccion di Tweede Kamer inicialmente a duna e partido D66 como partido ganador y 27 asiento y PVV e perdedor (aunke cu 25 asiento), cu 99.7% di e votonan conta diahuebs mainta, e resultado a cambia. Partido PVV ta pasa D66, diferencia ta chikito mientras cu casi tur e voto a wordo conta

D66 y PVV ta ainda den un “neck-an-neck race” diahuebs mainta. Despues cu e voto for di Helmond a drenta, PVV a tuma e liderato cu un diferencia chikito di 2341 voto.

E ciudad mas grandi ku ainda tin un parti considerabel di voto pa conta ta Amsterdam: ey ainda tin 20% pa wordo procesa — mas o menos 86.500 voto. E capital ta spera pa comparti e resultado completo solamente diabierna anochi.

Tambe e votonan di carta cu a wordo manda for di pais extranhero por tin influencia riba e resultado final. E voto aki lo wordo finalisa dia dialuna. Den total 136.272 Hulandes a registra pa vota via carta. Aun no sa si tur nan a manda nan voto realmente. E voto aki ta wordo procesa den Den Haag.

E resultado di Epe, Venray y di e islanan caribense Bonaire, Saba y Sint Eustatius ainda no ta inkluí den e sifranan di ANP Verkiezingsdienst. Den Almere y Hilversum falta todavía 4% di e voto den e sifranan preliminar.

Den Venray, durante e eleccion anterior, PVV tabata e partido mas grandi. Riba e tres islanan caribense, tabata D66. Na Amsterdam, e partido di Rob Jetten ta actualmente den e posishon di dos cu 23.4% di e voto, despues di GroenLinks-PvdA. PVV tin solamente un 7.3% preliminar den e capital, loke ta mustra un apoyo hopi mas chikito.

Durante e eleccion anterior pa Tweede Kamer, e votadornan di carta a skohe mayormente pa GroenLinks-PvdA. D66 a ricibi 10.5% di e voto aki, mientras cu PVV a ricibi 6.3%.