Hulanda ta yuda Aruba cu aceso na cierto remedi sin licensia di fabrica

DEN HAAG – Gobierno di Hulanda lo asisti Aruba den asunto di importacion di remedy. Asina minister di salud di Hulanda ta contesta minister di salud di Aruba Wendrick Cicilia den un carta fecha 30 di juni 2025. Tabata for di februari caba cu Cicilia a pidi Hulanda ayudo riba e tema aki. Ta trata di aceso na remedi for di Hulanda cu a wordo para, debi cu a revoca e permiso di e fabricante. Cicilia a pidi Hulanda pa toch por manda remedi pa Aruba sin cu nan mester di un permiso di fabricante. “Mi ta conciente cu esaki ta un situacion dificil, y mi ta dispuesto pa yuda na un solucion” e mandatario a bisa den un carta. 

REMEDI 

Ta trata aki di remedy cu no ta registra y cu no ta cumpli cu e mesun exigencia di calidad manera cu remedi ta rekeri. “Despues di a consulta cu inspectie, mi a constata cu e revocacion di e exigencia pa ta den poder di un permiso di fabrica, no ta trece efectonan no desea pa loke ta e seguridad y calidad di e remedinan aki” e minister ta sigui bisa. 

TEMPORALMENTE AYUDO

Cu esaki, e minister ta dicidi cu temporalmente, lo no actua ora cu boticanan hulandes, manda remedy pa Aruba, Corsou of St Maarten. Esaki ta conta solamente pa boticanan cu ta cumpli cu e asina yama condicion di un regla specifico. E ta un areglo temporal. Por lesa e carta complete AKI.