Schoof ta confirma cu gabinete a cay y ta entrega retiro di su gabinete na Rey

DEN HAAG - E gabinete a cay, prome minister hulandes Schoof a duna di conoce despues di un reunion di gabinete di casi dos ora. Esaki ta nifica cu lo tene eleccionnan nobo. Segun Schoof, e caida tabata innecesario e irresponsabel. Tur minister di PVV ta tuma retiro. E siguiente paso ta cu Schoof lo bay Palacio Huis ten Bosch na Den Haag pa ofrece retiro di su gabinete na Rey Willem-Alexander. For di e momento ey e gabinete lo ta demisionario, loke ta nifica cu e ministernan lo atende solamente cu actualidad. Gabinete Schoof a sinta aña pasa dia 2 di juli y finalmente a dura menos di un aña. Den e ultimo decadanan, dos gabinete di mayoria tabata den funshon pa periodonan mas cortico ainda: e gabinete Balkenende-I (87 dia) y e gabinete Van Agt-II (244 dia).