- Trump: Merca a realisa atakenan riba tres compleho nuclear na Iran
- Botica di Servicio ta Conoce Su Prome “Streya di Botica”
- Arubahuis a despedi di ex minister plenipotenciario Thijsen
- Analisis: Cos no ta pega rond di nombracion di un proximo minister
- Atraco Team a detene hoben na Kamerlingh Onnestraat pa ladronicia
Parlatino ta atende cambionan den educacion, salud y demografico den e region
PANAMA CITY - Comisionan di Parlatino ta atendendiendo cambionan den enseñansa, salud y demografico den un reunion cu a tuma luga na Panama. E siman aki. Parlamentarionan di Aruba tambe ta tumando parti na e reunion aki. E Comisionnan di Educacion y Salud di Parlamento Latino Americano y Caribense (Parlatino) a reuni na Panama pa atende temanan di prioridad pa e region, manera e proyecto di Scolnan Creativo di UNESCO, e actualisacion di e Plan di Educacion pa Desaroyo y Integracion pa Latino America y Caribe, envehecimento di poblacion, y e rol di parlamentonan den integracion regional.
E secretario suplente di comisionnan di Parlatino, Representante Didiano Pinilla Ríos, a enfatisa cu e topiconan trata a wòrdo acorda cu “transparencia total” den cada etapa, reafirmando e compromiso di e organisacion cu e Pakto pa Futuro, adopta na september 2024 despues di un cumbre regional. E sesionnan a cuminsa cu un minuut di silencio na honor di e ex presidente di Uruguay y ex parlamentario José “Pepe” Mujica cu a fayece recientemente.
PROYECTO DI EDUCACION Y SALUBRIDAD DEN PARLATINO
E proyecto a wordo presenta pa Dr. Verónica Violant (Universidad di Barcelona) y Dr. Myriam Esther Ortiz Padilla (Simón Bolívar Universidad di Colombia), cu un intercambio amplio di experiencia entre e paisnan participante: Aruba, St Maarten, Mexico, Uruguay, Bolivia, Brazil, y Panama, entre otro. Den e Comision di Salud, presidí pa Cogresista Elías Varas Meléndez (representando Representante Luis Velázquez), a copartí evaluacionnan riba e situacion di salud den paisnan manera Uruguay, Aruba, Peru, Mexico, Paraguay, y St Maarten.
Trump: Merca a realisa atakenan riba tres compleho nuclear na Iran
WASHINGTON - E ehercito mericano a ataca tres compleho nuclear na Iran, presidente Trump ta declara riba Truth Social. Segun e, un di e localidadnan ei ta Fordo. Trump ta papia di un “atake hopi exitoso”. “Fordo a bai.” Segun e mandatario, tur e avionnan ta safe na caminda pa regresa. Cu e atake, e presidente Mericano ta uni na e lucha contra Iran, un siman despues cu Israel a cuminsa bombardea e pais. Iran a realisa varios contra-atake for di e tempu ey. Trump ta bisa cu Iran “awor mester bai di acuerdo pa caba cu e guera aki”. E lo duna un discurso pa 10’or ora di Aruba.
Merca ta reanuda e programa di visa di studiante, pero ta rekerí medionan social publico
WASHINGTON - Studiantenan di exterior cu kier studia na Merca of participa den un programa di intercambio, por aplica pa un visa atrobe. Sinembargo, e gobierno mericano ta fortifica e controlnan riba nan cuentanan di medionan sosial. Na fin di mei, e Departamento di Estado di Merca a para e peticionnan nobo pa visa di studiante, pendiente di guianan mas estricto. Nan ta na nan luga awor: Tur studiante cu aplica pa un visa mester pone nan profil riba medionan sosial habri pa publico. Ofisialnan consular lo ta na altura di “actitutnan hostil” pa cu Merca, su estado, cultura of su principionan fundamental. E guianan nobo ta permití nan rekohe informacion adicional tocante aplicantenan a traves di paginanan di internet di buskeda i otro fuentenan. Aplicantenan cu un historia di activismo politico of violencia lo ta sometí na controlnan adicional.
Trump ta retrasa benta di TikTok atrobe ku 90 dia
WASHINGTON - Presidente mericano Trump kier retrasa e fecha limite pa benta di e actividadnan Mericano di TikTok cu 90 dia atrobe. E compania madre chines di e app, ByteDance, inicialmente tabatin te diahuebs pa bende. Segun e bosero di Cas Blanco, e presidente mericano lo firma un ordo ehecutivo e siman aki pa “tene TikTok den aire”. Trump anteriormente a bisa reporteronan cu e lo “probablemente” duna e compania mas tempo. Esaki ta di tres biaha ku Trump a pospone e fecha límite, loke ta nifica cu TikTok por keda den aire na Merca. Trump a bisa anteriormente cu e tin un “punto debil” pa TikTok.
Iran ta lansa contra-atake ‘cu por lo menos 100 drone’ despues di ofensiva di Israel
TEHERAN - Israel ta bisa cu Iran a tira mas di 100 drone riba e pais como contesta na e atake di ayera nochi. Un bosero militar di Israel ta bisa cu “nos defensanan aereo ta haciendo tur loke nan por pa intercepta e menasa.”
Avion a cay banda di aeropuerto di India, tur 242 persona ta kere morto
NEW DELHI - Un avion di pasahero a cay banda di e aeropuerto Ahmedabad di India. Segun polis local, ningun di e 242 personanan abordo ta parce di a sobrevivi e accidente. E avion, cu tabata na caminda pa London, a cay den un area residencial poco despues di a lanta vuelo. Segun Air India, tabatin 230 pasahero y 12 miembro di tripulacion abordo. Polis ta bisa cu mas di 100 curpa a wordo hiba hospital.
Toque de queda den partinan di sentro di Los Angeles pa motibo di sakeo y vandalismo
LOS ANGELES - Un toque de queda a wordo impone den partinan di centro di Los Angeles. Protestanan contra e politicanan di inmigracion di presidente Trump ta andando den e ciudad pa dianan caba. Disturbionan a surgi, incluyendo sakeo y vandalismo. E toque de queda a drenta na vigor pa 8 p.m. ora local y lo dura te cu 6 a.m.
Follow NoticiaCla
