Coredor mordi na Hulanda, probablemente pa un wolf

AMSTERDAM - Un coredo a wordo mordi dos biaha na pia ayera den Parke Nashonal De Hoge Veluwe na Hulanda, probablemente pa un wolf. E provincia di Gelderland ta informa cu e dama a worde trata den hospital pa su heridanan. E dama tabata cana canto di e camindanan den e parke den oranan di atardi ora el a wordo ataca. Despues personanan cu tabata para einan a core cu e bestia, Omroep Gelderland ta informa. Despues a hiba e victima pa hospital. A tuma DNA pa asina investiga si di berdad tabata un wolf. “E resultadonan di e investigacion ei no ta disponibel ainda,” e provincia ta informa. No ta cla con e victima ta bayendo aworaki. E provincia a anuncia cu e ta den consulta cu e municipio di Ede y cu e Parke Nacional Hoge Veluwe. “Nos ta preparando pa pasonan den caso cu e mesun lobo mustra e tipo di comportacion aki atrobe.”