Aeroliña Avelo kier añadi Aruba riba su lista di ruta pa Caribe

MIAMI – E aeroliña mericano Avelo ta purbando di inicia buelonan pa Aruba. E prome servicio di transporte di pasahero di Avelo tabata na april 2021. Den e cuater añanan siguiente, su flota a crece te na 20 avion, aunke esey ta un cantidad modesto ainda. E tin 12 Boeing 737-800 di 189 asiento i ocho 737-700 di 149 asiento. Cu un edad promedio di 16.8 aña, nan ta menos eficiente den uso di kombustibel i mas pisá den mantenshon ku alternativanan mas nobo pero muchu mas barata pa atkerí, ​​loke ta nifiká ku nan no mester wòrdu usá mes frekuente. 

RUTA NOBO

Dia 11 di maart, e compania di transporte di costo ultra-abao a anuncia un cantidad di rutanan nobo, incluyendo buelonan pa tres aeropuerto nobo den su red: Grand Rapids, Islip, y internashonalmente—Nassau. E capital di Bahamas ta e di cuater destinacion internacional di Avelo.

ARUBA?

Siguientemente ta Aruba y Santo Domingo, pero no ta sigur cu nan lo logra y cu e buelonan aki lo materialisa? Nan ta bastante mas chikito cu e mercadonan existente di Avelo. Tipicamente Aruba ta mas caro pa bishita cu otro luganan cu e ta sirbi caba (pero anto, Nassau tambe). Raleigh/Durham-Aruba lo ta e ruta mas largo di Avelo, tumando mas tempo y aumentando gastonan di biahe. No ta sigur como tal cu Aruba lo wordo agrega riba e mapa di Avelo, aunke cu esey ta e intencion di e aeroliña aki tambe.