Awe merdia Otmar Oduber ta tende sentencia den caso penal Flamingo

ORANJESTAD – Awe merdia despues di 5 aña di a keda persigui pa husticia pa algun di su actonan di tempo cu e tabata minister di infrastructura, actual parlamentario pa partido PPA Otmar Oduber ta tende su veredicto den e caso penal Flamingo. Hunto cune, 5 otro sospechoso di cual uno ta su propio jiu homber J. Oduber. Huez lo mester dicidi si Oduber y demas sospechosonan ta culpable di loke a acusa nan di dje, cual cargonan ta varia di soborno y falsificacion di firma y mas. Fuera di Oduber y su yiu, tin tambe sospechosonan E. Esser, R. Wever, L. Phillips y G. Tiel. Pa awe tardi 1’or y mei, huez van der Spoel lo lesa e veredictonan. Noticiacla lo tin un transmicion directo for di Corte e ora ey.