Croes: Partido FUTURO ta habri combersacion cu partido AVP entrante awe

ORANJESTAD – Partido FUTURO ta inicia combersacionan cu demas partido cu a haya asiento den e ultimo eleccion di siman pasa, y ta cuminsa cu e partido mas grandi AVP. Asina e lider di e partido Gerlien Croes a declara na salida di su reunion cu e informador Tisa LaSorte diaranson mainta. Segun Croes, e combersacion cu LaSorte tabata hopi abierto, unda cu a papia riba e programa cu mester lidera e proceso y   90e puntonan di atencion dilenea cu mester haya atencion. Y ta inicia combersacion oficialmente cu otro partido desde awe en adelante. “Nos lo cuminsa explora a base di locual cu ta e  parti inhoudelijk. Nos lo hiba combersacion cu nan y eventualmente mira con leu nos ta yega”. Den e proceso aki mester firma un declaracion di disponibilidad tambe. Prome cu esey lo haci un orientacion mas ‘indept’ pa wak si por yega asina leu. Como partido FUTURO, mester respeta e resultado di eleccion y ta dispuesto pa sinta cu tur partido. 

ESPACIO FINANCIERO 

Segun Croes, mester crea un espacio financiero pa pais Aruba. Tin mas cu un punto pa FUTURO cu ta cardinal cu mester wordo hiba den e dialogo y esaki ta fuera di e cantidad di minister pa Aruba. “Aruba mester un bon gobernacion y uno nobo y diferente. Mester por pensa y haci cambio diferente” Croes a sigui bisa.

COMPATIBEL CU FUTURO 

Ningun partido no por ta no compatible cu FUTURO, reaccionando riba e pregunta di prensa riba e hecho cu MEP ta 86% compatible cu FUTURO. Croes a referi na AVP cu tambe ta full en liña cu e partido FUTURO. Riba e largura di formacion, Croes a bisa cu esaki no mester dura mucho largo pero e mester ta bon si. Esaki pasobra tur hende por ta dispuesto pa papia, pero cu na caminda pa ehecuta, e no ta bay mes smooth ya cu tur hende ta pura pa goberna. FUTURO lo kier un contracto detaya y acorda pa pone otro responsabel pa loke no wordo haci. Y finalmente Croes a admiti cu partido FUTURO ta habri pa entretene e idea pa bin cu vak minister tambe den e gabinete.