Cargamento limita di vuurwerk sin pagara a yega Aruba for di Merca

ORANJESTAD – Un cargamento limita di vuurwerk sin pagara a yega Aruba for di Merca. Experto di explosivo Rubin Ponson a confirma esaki pa Noticiacla diahuebs atardi. “ Normalmente ta papia di container di klapchi cu nos ta calcula e cantidad, ta containernan di 40 pia. Sinembargo e ultimo cargacion aki ta algun container di 20 pia y entre nan tambe tin klapchi destina solamente pa show profesional” Ponson a sigui bisa.

MENOS KLAPCHI

Manera anticipa a logra cu algun container,- kizas 2 of tres -, lo a wordo importa for di Merca, pero segun Ponson, esakinan no ta e acostumbrado klapchi cu ta bin for di China. Segun Ponson e klapchinan aki ta keda ci cierto restriccion segun reglanan di merca y pa e mes motibo no tin pagara tampoco.

SCARSEDAD TA SIGUI

Ta keda e situacion di scarcedad di klapchi e aña aki y pagara manera custumber no lo tin, Ponson a sigui bisa. Pa cambio di aña tin varios hotel ta pone nan shownan profecional manera custumber y e aña aki algun compania cu ta custumbra di tira nan pagara, tambe a hasi petiicion pa por tira show di vuuwerk pa remplaza e pagara.

“Ta mustra cu pa proximo aña cu e situacion normaliza nos lo por tin nos cambio di aña manera custumber. Esaki tawata un problema fuera di alcanse di tur hende, cu asina a afecta islanan manera Boneiro y Corsou y tambe Suriname cu ta den e mesun situacion cu Aruba”, Ponson a finalisa bisando. NOTA: E potret ta di archivo di Noticiacla.