- Huez: Besaril tabata usa debitcard mucho facil y Ling no a para e actuacion!
- Ling: “Mi tabata naïve y ta sinti mi mes culpable. Mi mester tabata mas alerta!”
- Besaril:” Mi no a kere cu mi lo a caba mi carera asina”
- Corte Superior a pospone caso Sayuri pa haya mas informacion
- Aruba Bank Walk & Run 2025 a ranca sali cu participacion masal
SP a aumenta presion riba Sekretario di Estado Szabó riba conflict di interes
DEN HAAG – Fraccion di Tweede Kamer di SP kier pa seis minister den gabinete di Schoof, inkluyendo Secretario di Estado Zsolt Szabó (Digitalisashon i Relashonnan den Reino), ta habrí tocante e composishon di nan kartera di accion. Un peticion similar a pone Sekretario di Estado di NSC Idsinga (Finansa) renuncia diabierne.
E preshon riba e seis a keda aumenta e fin di siman aki door di lider di frakshon di SP Jimmy van Dijk cu e tweet: “Ministernan di PVV Marjolein Faber, Zsolt Szabó i Vicky Maeijer tambe ta doño di carteranan di accion di cua nan komposishon no ta conoci. NSC lo sostene e petishon di SP pa hasi esaki públiko awor?” Direktor Loesewies van der Laan di Transparency International tambe ta insistí cu ministernan ta habrí tokante nan interesnan empresarial, kitando asina cualkier impreshon di un conflikto di interes: “Transparensia ta prevení dudanan tocante integridad, e ta parti di demokrasia.”
E prome cos cu Van Dijk lo haci despues di reces ta pidi e seis ministernan pa ta habri riba nan asuntonan. E posicion di lider di PVV Wilders ta interesante. El a critica e secreto di Idsinga den un tweet siman pasa, pero te awor el a keda keto tocante su mes ministernan.
Ta improbabel ku Szabó lo tin un posibel conflikto di interes pa loke ta trata relashonnan di reino, pero esaki por ta e caso pa loke ta trata e otro parti di su cartera - digitalisashon. Te ora ku el a tuma ofisina como Secretario di Estado, e tabata direktor di e compania di IT Cap Gemini i pues tabata bon versa den e sector. Cortesia dossierkoninkrijksrelaties.
Buelonan pa parti Caribe di Reino exonera di impuesto aereo probablemente
DEN HAAG--Gobierno Hulandes probablemente lo exonera vuelonan pa y for di e parti Caribense di Reino di e aumento planea di impuesto riba pasahero aereo programa pa 2027. Secretario di Estado pa Relacionnan di Reino Ferenc Zsolt Szabó a duna un recomendacion positivo na un mocion entrega pa e Miembro di Partido di Libertad di extrema derecha PVV di Parlamento Peter Hali Hali exoneracion. Ta anticipa cu un votacion formal riba e mocion lo tuma luga diamars proximo.
Hulanda no ta mete awor cu Merca a corta financiamento pa NGO pa islanan CAS
DEN HAAG – Gobierno Hulandes ta bisa di lo no interveni pa compensa e perdida di sosten financiero di Merca cu ta afectando NGO’s y iniciativanan di sociedad civil na Aruba, Curaçao, y Sint Maarten. Esaki a keda confirma door di Secretario di Estado Hulandes pa Relashonnan di Reino, Zsolt Szabó, como contesta riba preguntanan por eskrito di Parlamentario Hulandes Raoul White (GroenLinks-PvdA).
KLM ta spera mas cancelacion debi na mantencion di su avionan tipo Boeing 787
SCHIPHOL - KLM ta premira di tin cu cancela varios vuelo den e proximo simannan cu lo wordo opera cu un Boeing 787. Segun un vocero, esaki lo por encera algun vuelo pa dia, pero e compania no por duna cifranan exacto. Esaki ta wordo evalua riba un base diario.
Hulanda a recorda victimanan di e Segundo Guera mundial, riba Dam
AMSTERDAM - Pa 8 or di diadomingo anochi ora di Hulanda, un Dam Square casi yen na Amsterdam a observa dos minuut di silencio pa e victimanan di e Segundo Guera Mundial y otro conflictonan arma den cua Hulanda tabata enbolbí. E ceremonia a pasa sin incidentenan grandi.
Trump ta menasa di boycotea e cumbre di OTAN na Den Haag si paisnan ignora su yamada
AMSTERDAM – Gobierno Mericano ta poniendo mas presion diplomatico riba Alemania y otro partnernan Europeo pa aumenta significativamente e presupuesto di defensa. Si esey no sosode, presidente Donald Trump di e poderoso militarmente Merca por boicotea e cumbre di OTAN na Den Haag otro luna. Esaki ta loke Der Spiegel ta skirbi. Cu Washington mester hisa e normanan di OTAN a wordo haci cla pa hopi tempo pa Trump. Tambe den su prome mandato, ora el a critica varios lider di gobierno, incluyendo e canciyer di Alemania Angela Merkel, pa loke el a mira como un presupuesto di defensa insuficiente y pa sigui depende riba e mericanonan.
Homber tira mata riba terasa di hotel na Rijswijk, Hulanda
RIJSWIJK - Un homber a wordo tira mata riba e terasa di un hotel na Rijswijk (Sur di Hulanda) poco prome cu 6 p.m diahuebs ora di Hulanda. E doño di e hotel a bisa Omroep West cu e victima a wordo tira di cerca. Esaki a keda captura riba imagennan di camara. “Bo ta mira un homber ta acerca sin tapa cara, ta tira y despues ta core bay,” e doño di e hotl a bisa.
Follow NoticiaCla
