Colegio Arubano a tene Carrusel di Carera pa studiantenan

ORANJESTAD - Siman pasa, mas di 300 studiante a asisti na e anochi di informacion tocante profesionnan organisa pa WeConnect den colaboracion cu decano di Colegio Arubano. E anochi ey, alumnonan di e klasnan mas halto di HAVO y VWO a haya informacion tocante kico un profesion en particular ta encera. E meta di e informacion aki, un tipo di carousel di carera, ta pa sostene e studiantenan den nan escogencia di estudio y despues nan profesion. Tabatin mas cu trinta profesional boluntario pa informa e studiantenan di Colegio Arubano riba e contenido di nan materia.

EDUCASHON

E fundashon educativo WeConnect a compromete su mes na (miho) preparashon pa estudio, cuminsando na skol. “Nos ta ripara cu ta basta dificil pa studiantenan di Aruba haci un escogencia specifico pa studia na Hulanda. Un profeshonal entusiasma cu ta papia tocante su profeshon por informá i inspirá un hende.” Gerente di WeConnect, Tanja Fraai, a splica. E carousel aki ta forma parti di un serie mas amplio di informacion di WeConnect, tanto na Colegio Arubano como na otro scolnan secundario. E forma di informacion aki tambe ta wordo ofreci na studiantenan na varios scol dor di WeConnect na Corsou y Sint Maarten.

PROFESHONALNAN PA E KLAS

Pa e Carusel di profeshonnan, profeshonalnan di varios profeshon tabata presente pa duna informashon. Esaki a permití e studiantenan scucha e experencianan di profeshonalnan di e industria di turismo, e sector medico i di e tereno di ciencia di tera, entre otro. Pero criminologia, finansa y lei tambe tabatey.

MESTER MAS ANOCHI

Den e encuesta ku e studiantenan por a completa riba nan telefon despues di nan bishita, 53% a indica cu nan a haña mas bista pa determina nan escoho di carera. Varios studiante a indica cu nan mester di mas di e tipo di anochinan di informacion profesional aki pasobra e ta yuda nan determina nan curso di estudio. “Un bon señal pa nos sigui duna e tipo di informacion di escoho di carera aki.” Gerente di WeConnect, Tanja Fraai, ta contesta despues.