Parlamentario Hulandes ta puntra secretario Szabó riba rapport di Amnesty contra Aruba

WILLEMSTAD - Parlamentario hulandes Raoul White (GroenLinks-PvdA) dia 2 di òktober a manda pregunta na sekretario di estado di Relashonnan di Reino, Zsolt Szabó, tokante situashon na Aruba. White a komprondé for di rapòrt di Amnesty Internatiol ‘Rules but No Protection’ ku Aruba ta deportá refugiado fo’i Venezuela bek na nan pais riba base regular. Segun e organisashon Hulanda tambe ta finansiá e deportashon.

White ke sa mas for di esaki fo’i sekretario di estado Szolt. White a manda ocho pregunta na e sekretario di estado. Un di e pregunta ta ‘si Hulanda a duna sosten finansiero na Aruba pa buelonan di deportashon fo’i Aruba?’ Segun White si esaki ta bèrdat Hulanda ta aktua kontra leinan i reglanan internashonal. E ke sa for di Zsabo kiko ta su reakshon riba e rapòrt. White ta spera ku sekretario di estado ta duna kontesta mas lihé posibel.

Segun Amnesty refugiadonan venezolano na Aruba ‘ta víktima di un falta di legislashon spesífiko pa asilo riba e isla’. Segun Amnesty ‘e krísis despues di elekshon fin di yüli na Venezuela ta mustra e urgensia i e nesesidat pa leinan di asilo ku ta protehá venezolanonan huyendo di e krísis di derechonan humano na nan pais.’ I tambe: ‘Aruba ta sera refugiado for di Venezuela outomátikamente den fasilidatnan di detenshon na nan yegada, i ta deportá nan’.

Sirektor di Amnesty International Nederland, Dagmar Oudshoorn ta splika: “Amnesty International ta oponé e deportashon di venezolanonan for di Aruba i ta preokupá pa e protekshon ku Aruba ta brinda nan. Amnesty tambe ta preokupá pa e involukrashon di gobièrnu hulandes den e akomodashon di refugiadonan na Aruba.”NOTA: Texto scirbi den Papiamento fonetico di Corsou. NOTA: Texto ta scirbi den papiamento fonetico di Corsou.