Pa di dos dia sigui, casitanan di coriente ta causa problema di coriente na Aruba na varios area

ORANJESTAD – Despues di algun siman di ‘trankilidad’ riba e tereno di coriente, e siman aki durante dos dia dos diferente area a confronta problema atrobe cu a rekeri atencion di e compania di utilidad NV Elmar. Diahuebs tabata Savaneta y San Nicolas y diabierna (awe) tabata Ponton. E problema a keda resolvi basta liher, pero atrobe por a tende hopi keho di clientenan, sigur mirando cu e dianan aki nos isla ta experenciando hopi calor excesivo. Ademas tambe tin critica riba e hecho cu no obstante e mensahe di alerta di calor, e compania a continua cu nan plan di mantencion, unda cu pa practicamente henter un dia di trabou, ta kita coriente. 

DIABIERNA 

E area di Ponton y vecindario tabata e victima di coriente diabierna mainta : Nos ta confrontando un problema den e distribucion di coriente den e area aki. Tabata algo despues di 6’or di mainta, cu e problema a keda raporta pa despues e keda identifica como un defecto riba un componente di coriente den un casita di coriente.Mientras cu basta lihe e area afecta tabatin coriente, un parti di Ponton y Tanki Flip y Tanki Leendert ainda tabatin problema. Despues di algo mas cu 2 ora di trabou

DIAHUEBS 

Diahuebs e problemanan a cuminsa net despues di mei anochi unda cu algo prome cu 1’or di marduga, na e area di Lagoville San Nicolas. Elmar a confirma cu tabataconfrontando un problema den distribucion di coriente den un casita di coriente. “Nos ta confrontando un problema den distribucion di coriente den un casita di coriente na Savaneta cu ta suministra coriente pa e area”. Despoues a resulta cu einterupcion aki a inicia riba un kabel subteraneo cu a afecta un casita di coriente. Tecniconan mester a drecha e kabel bou di tera pa por soluciona e problema di e interupcion di servicio. Despues di algu di dos ora, tur hende tabatin coriente bek.