Venezuela ta rechasa provocacion Mericano cu su avionan bulando riba Guyana

CARACAS - Guyana ta sigura cu ehercicio haciu cu Merca ta parti di e ‘pacto di cooperacion den materia di defensa’ cu e tin cu Merca. Mientrastanto minister di defensa di Venezuela Vladimir Padrino López, a rechasa e buelo di dos avion Mericano riba Guyana y ta considera esaki como un provocacion di e commando sur di Merca.  “Forza Arma Nacional Bolivariana ta rechasa contundentemente e provocacionan reitera, auspicial pa gobierno di Guyana, cu a asumi e rol di un colonia nobo Norte Americano” Padrino Lopez a bisa. 

FRONTERA

Venezuela y Guyana ta comparti un frontera, ta disputa e area Esequibo, un territorio di casi 160.000 kilometer cuadra rico na petrolio y recurso natural, cu Guyana ta considera di dje, proba cu varios licensia petrolero. Algo cu Venezuela ta nenga rotundamente pa permiti.