- Debi na ‘retonan operacional’, SLM ta obliga pa ahusta buelonan pa e.o. Aruba
- Presidente Trump a frena imigracion pa Merca: E prome decretonan di Trump
- Prome caso di asesinato di 2025 na Corsou
- Na Corsou, atrobe Corte ta rechasa suspension di detencion di lider di partido KEM
- Na Corsou a aresta 4 persona cu ta labora na Wardacosta
Fundacion Betico Croes a celebra nos dia nacional na grandi
ORANJESTAD - Dia 18 di maart Aruba henter ta celebra Dia di Himno y Bandera. Dos simbolo di nos autonomia, identidad, libertad y union.
48 aña pasa nos a hisa nos bandera y a canta nos himno pa prome biaha; pero for di semper, nos pais a briya cu luz propio, un luz cu no lo paga nunca. Un luz cu ta e muestra di e curashi y e pasion di nos hendenan pa Aruba.
Ariba e dia special aki, tambe nos ta corda ariba nos Status Aparte y aki nos tin cu bisa: Danki Betico pa haci realidad un gran soño di un pueblo luchado y balente.
Pa conmemora nos fecha nacional, Fundacion Betico Croes a realisa un tremendo actividad cu musica, danza, wega, cuminda y yen di actividadnan pa grandi y mucha. Multitud di hende a bishita Plaza Status Aparte Gilberto F. Croes pa asina comparti y demostra hunto e orguyo di ta Arubiano.
Tambe Fundacion Betico Croes a presenta su Bestuur nobo ariba e fecha special aki. E meta di e Fundacion ta pa sigui engrandece e nomber di Betico y pasa esaki di generacion pa generacion. E fundacion tin diferente plan cu actividadnan cultural y educativo pa nos pueblo, como tambe e embeyecemento di Plaza Status Aparte Gilberto F. Croes.
E bestuur nobo a keda conforma asina:
Presidente: Sr. Dennis Croes
Vice Presidente: Sr. Maikito Croes
Secretaria: Sra. Judith Werleman
Segundo Secretaria: Sra. Winnie Dirksz
Tesorero: Sr. Mirto Croes
Segundo Tesorero: Sra. Ebby Rasmijn
PR: Sra. Tatiana Eman
Comisario: Sr. Jeffrey Schuilenburg
Comisario: Sr. Chelito Dirksz
Comisario: Sra. Angelique Maduro
Comisario: Sra. Rosemin Croes
Ariba combinacion di potret por aprecia momentonan precioso cu a wordo comparti pa esnan cu a asisti, memei di un dushi ambiente cu a cuminsa for di 10'or di mainta te cu 6'or di atardi.
Fundacion Betico Croes ta yama pueblo di Aruba DANKI y ta bisa un y tur: Keda pendiente pa mas eventonan cultural cu lo sigui trece unidad pa nos pueblo, rond di actividadnan cu ta fortalece nos identidad.
Den fin di siman Carnaval 71 a eligi su Reinanan
ORANJESTAD – Den fin di siman, Aruba a conoce su reinanan pa carnaval 2025, osea carnaval 71. Diasabra a eligi reina infantil y hubenil, pa despues diadomingo eligi reina grandi y señora carnaval. Esaki ta e resultado di e eleccion di diadomingo y diasabra:
Magic 96.5 FM a reconoce figuranan cu mas a destaca den 2024
ORANJESTAD – Durante un encuentro special recientemente, e emisora local Magic 96.5 FM a haci entrega di e reconocemento cu a otorga na e talentonan mas destaca den comunidad di Aruba den transcurso di 2024.
Autor Jossy Tromp cu presentacion di obra literario di na Biblioteca Nacional Aruba
ORANJESTAD – Dia diahuebs, 23 di januari di 6.30 pa 9.00 p.m. lo presenta e obra literario ‘Di Carigueña pa Santa Clara’ na Biblioteca Nacional Aruba, George Madurostraat, Oranjestad.
AHATA a reparti 50 mil florin di donacion entre10 organisacion importante den comunidad
ORANJESTAD —Despues di un aña 2024 productivo y exitoso pa Aruba Hotel and Tourism Association (AHATA), e asociacion a bolbe duna sosten financiero na comunidad cu varios donacion. Danki na e miembronan di AHATA ta posibel pa alcansa un suma total di AFL 50.000 na donacion.
E finalistanan di Caiso y Soca Monarch 2025 ta conoci!
ORANJESTAD – Despues di dos dia di pre-final di Caiso y Soca Monarch 2025, e finalistanan a bira conoci diabierna marduga. E final ta tuma lugar dia 8 di februari 2025 den Carnival Village na San Nicolas.
Tin mas di 9000 participante registra pa Fakkel optocht awe nochi!
ORANJESTAD – Mas di 9000 persona reparti den 9 grupo carnavalesco ta participa activamente den e ‘Fakkeloptocht’ di diasabra anochi, como e prome actividad oficial di carnaval pa 2025. Esaki ta lagando esnan afo cu ta forma parti di SMAC y otro instancianan organisatorio y di control. E parada ta cuminsa 8’or den Avenida Milio Croes y e prota planea pa caba pa mey anochi den Paardenbaaistraat segun schedule di polis. NOTA: E potret ta uno di archivo di Noticiacla.com.
Follow NoticiaCla
