Wever-Croes: Pronto e director nobo di Aruba Huis lo biaha pa Hulanda

ORANJESTAD/DEN HAAG – Aruba Huis pronto lo tin un director nobo. Esey Noticiacla.com por a compronde awe mainta di prome minister Evelyn Wever Croes. “ E proceso pa e reemplasante bai Den Haag ta casi cla” e mandatario a contesta Tito Laclé di Noticiacla.com riba e situacion actual. Esaki pasobra e siman aki Arubahuis a informa cu a despidi di e actual director interino Glenda Hernandez pero no a menciona ken ta bira esun cu ta reemplase. Arubahuis a informa cu premier Wever-Croes mester a informa riba esey. “Pronto e lo por bai”, e premier sigui bisa. Ora cu a puntra ken e persona aki ta, e mandatario no por a bisa ainda, y a contesta esaki :” Mi ta bezig ta check un que otro”, e mandatario a bisa, cu por nifica cu ta tratando pa wak si e por duna e informacion aki prome cu tempo of si ta conoci formalmente ken e persona aki ta. E hecho ta, cu despues di un periodo hopi largo (mas cu un aña y mei), a keda cla cu e seleccion di e persona cu oficialmente lo dirigi Aruba Huis.