Gobierno a inicia siman di accion pa cu metanan di desaroyo sostenible (SDG's)

ORANJESTAD – Dialuna mainta gobierno di Aruba a inicia siman di accion pa cu e metanan di desaroyo  sostenible (SDG's). Manera ta conoci, Gobierno di Aruba den su esfuerso pa un miho desaroyo pa cu inclusion y derechonan humano, ta hiba un maneho cu ta cuadra segun e "Sustainable Development Goals" (SDG's).

Tambe nan ta kere den un efoke centralisa riba e ser humano, pa loke ta trata “policy-making” caminda e SDG’s ta guia nos den e proceso y ta reenforsa e implementacion di derechonan humano. 

Pa e motibo aki, segun Gobierno di Aruba, a mara e presupuesto di pais Aruba na e SDG’s, di cual Parlamento di Aruba tin un comision special cu ta comproba si e SDG’s ta wordo netamente incorpora y implementa den e presupuesto.