- Turista ta bira di 9 morto di trafico di Aruba
- Recherche noord cu detencion den caso di posesion di arma di candela
- Diasabra vuelo inaugural di Peru cu LATAM Airlines ta yega Aruba
- Embahador di Reino Hulandes na Peru impresiona cu e forsa di marca Aruba na Peru
- Minister Ursell Arends a desvela prome stacion publico pa carga auto electrico na Aruba
SKOA a celebra nan acreditacion oficial di e programa Erasmus+
ORANJESTAD - Directiva di SKOA conhuntamente cu stakeholders, staf y personal a celebra nan a haya acreditacion oficial pa e programa di Erasmus+. SKOA desde aña 2022 a cuminsa e trayecto pa asina por adkiri e acreditacion pa e programa di Erasmus+ y e aña aki ariba 21 di Juni 2023, sra. Cavril Martijn y sr. Stevan Caines a bay Hulanda pa ricibi e acreditacion pa Erasmus+ den nomber di SKOA.
Cu e acreditacion di Erasmus + SKOA, como un instituto di educacion, por contribui financieramente na proyectonan cu tin e meta pa desaroyo educacional, crecimento profesional, training, hoben y deporte cu lo tuma luga den Europa y islanan Europeo den Caribe. E bentaha cu e acreditacion di Erasmus+ ta cu tur personal di SKOA tin e derecho pa haci nan peticion pa por haya e fondonan necesario for di SKOA pa por ehecuta y realisa nan proyecto den exterior.
SKOA ya caba ta conta cu diferente scolnan cu a participa den e programa di Erasmus+. Esakinan ta Pius X School, St. Dominicus College y St. Fransiscus, cu nan proyecto “Habilidad di siglo 21 pa Aruba” caminda un team grandi representando cada scol a bishita Spañe, Italia, Irlanda y Finlandia. Como resultado di e proyecto exitoso aki Aruba awo tin diferente partnernan internacional den e sector di educacion pa realisa entre otro e metanan di habilidadnan di siglo 21.
Scolnan cu actualmente ta cay den e promer tanda di Erasmus+, ta Scol Caiquetio, Scol Preparatorio Cacique Aterima, Agnes Kleuterschool, Prome Paso Kleuterschool y Imelda Kleuterschool, Pius X school y Scol Caiquetio cu e proyecto “Inclusion den Educacion Special” caminda cada scol lo bay bishita Iceland pa realisa nan proyecto. E team di Colegio Felipe B. Tromp ta bishitando Turkia cu nan proyecto “S.T.E.A.M. Education” y St. Dominicus College tin nan proyecto “Project Based Learning” cu lo bay bishita Iceland pa realisa nan meta pa ekipa y inspira nos futuro generacion.
KICO TA ERASMUS+
Erasmus+ ta un programa di Union Europeo cu ta enfoca ariba educacion, training, hoben y deporte. E meta di e programa aki ta pa modernisa educacion, training y trabounan cu hoben den ful Europa. Erasmus+ ta provee fondo financiero pa asina organisacionnan por ofrece oportunidadnan na studiante, docente, boluntarionan y tur persona cu ta traha den e liña di educacion y deporte. Erasmus+ alabes ta duna fondo pa colaboracion entre organisacion entre otro institutonan educacional, organisacionnan di hoben, empresanan, fundacionnan y NGO’s y tambe ta contribui na desaroyo y reforme den paisnan di Union Europeo pa modernisa educacion, training, promove innovacion, entrepreneurship y empleabilidad. E programa aki ta wordo maneha na Brussel, Belgica pa e Erasmus+ National Agency.
Staf y personal di SKOA a informa cu esnan interesa pa participa cu un proyecto den e programa di Erasmus+ mester comunica esaki cu nan cabesante directo di scol, pa asina por entrega nan proyecto den nomber di nan scol of directiva.
Pa informacion general por tuma contacto cu oficina di SKOA durante orario di oficina den siman di dialuna pa diabierna, entre 8am te cu 12pm y di 1pm te cu 4pm na telefon 523-1800.
Malechornan ya a kibra y horta parti di luznan di pasco di Caya Grandi
ORANJESTAD – Malechornan apenas algun dia despues cu gobierno a inaugural e lusnan den Caya Grandi, a destrui un parti grandi di e luznan. DOW a confirma awe cu tabata diaranson cu nan a bin ripara cu individuonan a horta luznan y ranca wayanan cu a ser poni den caya grandi. “Un situacion hopi fastioso, unda cu nos trahadornan a traha duro den dia cla y anochi pa asina nos por disfruta di e dushi temporada di fin aña cu ta acercando.
A.T.A. Orguyoso cu Avance di Aruba Happy One Pass
AZV:Pashentnan di dokter Jansen ta pasa pa dokter de Lannoy ora aña bolter
ORANJESTAD - Pashentnan di dokter Marije Jansen ta pasa pa dokter de Lannoyora aña bolter. Asina AZV a anuncia diahuebs. Dokter Marije Jansen a termina su contracto cu OE AZV. Actualmente dokter Marije Jansen su practica ta sigui brinda servicio pa medio di un waarnemer. Na mes momento ta cuminsa un dokter di cas nobo, esta dokter K. de Lannoy. Entrante 1 di januari 2024 dokter K. de Lannoy lo brinda servicio na De La Sallestraat 45.
Telefon pa Hubentud (131) ceritifica pa Child Helpline International
Wind Creek Aruba Open Fishing Tournament
Despues di e accidente, situacion di presidente di SPA Rodney Solognier ta critico pero stabiel
ORANJESTAD – E situacion di e presidente di e sindicato di polis SPA, Rodney Solognier ta critico pero stabiel. Asina Noticiacla.com a compronde di su famia diaranson mainta. Ayera e tabata envolvi den un accidente serio unda cu su auto a dal frontal den un otro auto na altura di Koyari. Chauffeurnan di ambos auto a resulta seriamente herida ora cu nan a keda pega den nan respectivo auto y mester a keda rescata pa bomberonan prome cu nan por a wordo transporta pa hospital cu urgencia. Mester bisa tambe cu no ta conoci pa Noticiacla.com kico e estado di e señora ta, aunke a haci e intento pa haya informacion tambe. Pa loke ta Solognier, ayera mes a oper’e pa purba stabilisa su situacion. A keda cu awe mainta lo mester a bolbe opera e agente policial. Y awe mainta despues e famia a informa cu e ta ‘critico pero stabiel’. Ayera tardi alto comisario a manda un mensahe di video unda cu e ta manda palabra di sosten pa e famia y e colega, incluyendo cu e ta den oracion di henter cuerpo. Noticiacla ta manda palabra di pronto recuperacion pa tanto e señora cu a accidenta y e presidente di SPA, Rodney Solognier. Pa loke ta e accidente mes, esaki ta bou di investigacion ainda pa determina exactamente kico a sosode cu e accidente aki a tuma lugar. Potretnan ta cortesia di 24ora.com
Follow NoticiaCla
