FIFA a suspende presidente di federacion di futbol Spaño Luis Rubiales

MADRID – E organo mundial di futbol FIFA a suspende e presidente di e federacion real di Spaña Luis Rubiales temporalmente pa un sunchi no dese ana Jenni Hermoso, capitan di e seleccion Spaño femenino cu a gana e Copa Mundial Femenino recientemente. FIFA a tuma e decision aki basa riba articulo 51 di e codigo disciplinario. E suspension ta implica cu Rubiales ta prohibi pa participa den cualkier actividad relaciona cu futbol riba e nivel nacional y internacional. Rubiales mes diabierna durante un asamblea di e federacion Spaño, a bisa cu e no ta retira. Pero awe mainta tin un asamblea urgente atrobe unda cu e miembronan lo bin hunto pa dicidi kico ta haci awor cu FIFA a suspende Rubiales.