Barco di marina Hulandes a intercepta casi 550 kilo cocaina y detene 6 persona

WILLEMSTAD - E Barku di Marina Hulandes Zr.Ms. Groningen den kombinashon ku Wardakosta Karibe Hulandes, a sa di interseptá un Go-fast ku basta bulto di kokaina abordo ayera. E boto tabata move parti zùitost di Kòrsou. Groningen a duna e tripulante di e go-fast señal pa para, pero e kapitan di e go-fast no a duna oido. A start un persekushon i finalmente a logra di para e go-fast. Abordo a topa basta bulto di kokaina, i esakinan ta kasi 550 kilo. A detené 6 hòmber ku tabata abordo di e go-fast. A pasa e sospechosonan pa wardakosta ku a hiba e tripulantenan i tambe e droga na base di marina na Parera. Outoridatnan a yena e baki pikòp di wardakosta kompleto ku bultonan di droga, i a transportá nan pa warda di polis na Rio Canario, kaminda investigashon ta kontinuá. Pa loke ta trata e go-fast, komo ku a interseptá e embarkashon basta leu for di Kòrsou, tabata poko difísil pa bin ku esei Kòrsou, i a disidí pa senk e go-fast. NOTA: E texto ta scirbi den Papiamento fonetico di Corsou.