Spaña a extradita Hugo Carvajal y e ta den avion rumbo pa Merca

MADRID – Spaña diaranson a extradita e ex hefe di inteligencia military Venezolano Hugo Carvajal (63) pa Merca. Asina e portal britanico di noticia BBC ta raporta. Mas prome Noticiacla a raporta cu a duna Interpol orden pa e extradicion tuma lugar urgentemente, prome cu perde atrobe. Mientrastanto Carvajal ta riba avion rumbo pa Merca, pa responsabilisa sum es pa e varios cargonan cu tin contra dje. Entre nan, cargo di traficacion di droga. E la yega Aruba na 2014 cu e intencion di bira consul general di Venezuela, pero a keda deteni riba peticion di Merca. Pero Hulanda a opta pa libere debi cu e tabatin vinculo diplomatico, pero a dune status di persona non grata na Aruba. E la bay Venezuela y a keda ricibi como heroe.  Sinembargo e la bolter contra e presidente. Y esaki a pone cu e mester a huy pa Republica Dominicana y despues Spaña. Deteni na Spaña, e la logra su libertad, sconde pa 2 aña y despues keda captura atrobe. Awor si su number a hunga y dentro di poco e ta na Merca. Ta premira cu e lo presenta den corte algun ora despues cu e aterisa na New York.