Despues di mas di 10 aña Delta Airlines ta bula bek pa Corsou

WILLEMSTAD – Despues di mas di 10 aña, e aeroliña Mericano Delta Airlines ta bolbe Corsou. Esaki lo sosode na December proximo. Entrante 16 di December proximo, e aeroliña lo cuminsa bula bek pa Corsou riba tur diasabra. E lo bira e unico aeroliña bulando directamente for di Atlanta pa Corsou, dunando aceso na pasaheronan pa conecta cu mas di 100 ciudad Mericano pa Corsou. E ruta aki lo wordo ehecuta un avion tipo Boeing 737-800 cu lo inclui first class, comfort + y un cabina regular.