Na Corsou, team diRST a bai CPS y drenta algun locker

WILLEMSTAD - Investigashon di mandamentu di droga afó via di kònteinernan ku ta pasa haf di kònteiner na Kòrsou ta sigui. Ayera nos a tuma nota di diferente unidat di RST ku a bai CPS kaminda nan a listra den diferente “locker”. E tim di RST a bai CPS ayera mainta 10 or i a drenta algun ‘locker’ den kuadro di investigashon di eksportashon di droga.

Na luna di mart polisnan den koperashon ku e tim di RST, Duana, Defensa  i Marechaussee a tene un total di 6 entrada hudisial aki na Kòrsou.

Nan a bai entre otro na  kaya Pachi Jan Bakhuis, Groote berg, Koraalspecht den kaya Sambarku, un kompleho di flèt na Ser’i Kandela i un adrès na Daniel i a hasi vários detenshon inkluso un ‘docmaster’.

E detenshonnan a tuma lugá riba órden di Ministerio Públiko. Na kas di tur e sospechosonan polisnan a tene entrada hudisial bou di guia di wes komisario. E kònteinernan tabata destiná pa Oropa.

Na yüni último korte a inisiá ku tratamentu di e kaso aki  ku a haña e nòmber Parrot proforma. Relashona ku e kaso aki 4 hòmber mester a presentá den sala di korte akusá di ta involukrá den e kargamentunan aki.

Nan ta keda akusá pa mas di 197 kilo di kokaina ku nan lo a pone den e kònteinernan den haf. Esnan ku a presentá dilanti wes tabata e sospechosonan prinsipal R.R(51) i J.R.(33)huntu ku e hòmbernan S. C. K.(60) i su ruman hòmber S.A.K.(70) ku lo tabata traha komo bewaker na haf.

Segun Ministerio Públiko tur e hòmbernan aki ta keda akusá di a trata na eksportá kasi 197 kilo di kokaina partí den 3 transporte den e periodo di 18 di mei  te ku 6 di yüli 2022.

Tambe nan ta keda akusá pa preparashon pa transportashon di e droga den e periodo di 1 di yanüari 2020 te ku 20 di mart 2023. NOTA: Texto ta scirbi den Papiamento fonetico di Corsou.