Tormenta Polly na Hulanda a causa basta daño y un morto

AMSTERDAM – E forza di tormenta Polly cu tabata activo riba un parti grandi di Hulanda marduga, a bira menos. E parti norte a haya mas sla di e tormenta mientras otro partinan no a sinti nada mes. E codigo cora mientrastanto a keda cancela, pero no prome cu e biento fuerte a causa por lo menos un morto ora cu un palo a cay riba un auto, matando e chauffeur. Na Amsterdam dos persona a keda herida. Ainda tabatin e codigo oraño pa e parti norte cu tabata registra biento di forza 100 pa 120 km pa ora. E ta e tormenta di Verano mas fuerte registra pa historia. Tabatin hopi area afecta unda cu palonan a cay y haci hopi daño. 

BUELONAN

Por lo menos 400 buelo cu mester a sea sali of yega e aeropuerto Schiphol a cancela debi na e tormenta fuerte. A sugeri pa tur pasahero check nan informacion di buelo pa nan sa e situacion di nan respectivo buelo.