Sospechoso di hincamento fatal den Albert Heijn na Hulanda ta e yiu di Corsou ‘Lomp’

DEN HAAG – E homber cu a keda deteni diamars pa un caso di hincamento fatal den un filial di e establecimento Albert Heijn na Den Haag ta e yiu di Corsou J. Lomp (56). Asina autoridad Hulandes a informa. E tabata un asina yama TBS’r esta un persona cu tabata cera den un instituto pa hende cu no ta bon di cabez. Mayoria biaha nan no ta bandona e lugar mas, pero den e caso aki, Lomp a haya su libertad un tempo atras. E mas pior ta cu den pasado caba e la keda sentncia pa casonan serio di violencia tanto na Hulanda como Corsou.  Lomp ta un persona describi como hopi peligroso.