Xander Bogaerts ta dal di 4 homerun pa San Diego Padres gana New York Mets

NEW YORK – E pelotero professional di Aruba Xander Bogaert a dal su di 4 homerun di temporada 2023 diamars anochi, y laga asina su ekipo nobo San Diego Padres gana nan wega. E wega tabata interesante te na e ultim inning, cu New York Mets gana cu diferencia di 1 careda. Aki ta unda cu Bogaerts a dal su homerun di dos careda, cu finalmente a bira e score final di 4-2 pa Padres.  E ekipo aworaki ta na di 2 lugar den Liga Nacional West, despues di Arizona Diamondbacks, cu 7 wega gana y 5 perdi. Nan tabata riba un bon racha di gana, despues a perde y ayera a gana un wega atrobe. Pues nan a sali riba bon pia e temporada aki. Pa loke ta Xander, e tin 4 homerun e temporada aki caba, 1 base roba y 10 careda impulsa y su average ta .333. Potret cortesia AP.