Homber cu a mata 3 yiu di Corsou den accidente na Hulanda, tabata core casi 200 km pa ora

ROTTERDAM – E homber di 29 aña cu ta sospecha di a dal mata 3 yiu di Corsou riba di dos dia di pasco na Rotterdam aña pasa, tabata core casi 200 km pa ora mas sigur. Asina Ministerio Publico a declara durante e tratamento di e caso diahuebs mainta. OM a sali di e punto di bista anteriormente cu e chauffeur causante di e accidente tabata core mas cu 133 km pa ora. Un calculacion haci a base di informacion di trafico adkeri despues di e accidente. Aki ta mustra cu un camera di trafico a marca 600 meter prome cu e sitio di accidente, un velocidad di 176 km pa ora. Eynan tabata permiti apenas 50 km pa ora. Ademas e  sospechoso a core door di luz cora y tabatin 3 biaha e cantidad di alcohol permiti, den su curpa. Den e accidente henter un famia di Corsou a perde nan bida. Un tata di 35 aña, mama di 36 aña y nan yiu muher d 7 aña. E causante di e accidente a sobrevivi e accidente pero a keda gravemente hospitalisa y ainda ta den hospital. Segun su abogado, e cliente a wordo opera 5 biaha caba, y no por corda nada di e accidente. Asina mes e ta haya hopi teribel loke a sosode,segun su abogado y ta puntra cada bez con ta cu e famianan.