- Departamento di Progreso Laboral (DPL) cu campaña pa entrega Formulario AMR 2023 den luna di Juni 2023
- Directie Financiën ta informa di e condicionan ora di trata cu cobransa pa instancianan di Gobierno
- Foyeto Abo ta bay studia dentro di poco na Hulanda – con pa registra den BRP
- DUCAPRO a presenta un plan pa promove e industria creativo y proteha e artistanan
- E prome barco di fruta y berdura di Venezuela ta yega Aruba dialuna awor
Mike Eman riba crisis interno di AVP: ‘Tin calmo pero no tin solucion ainda’
ORANJESTAD – E asina yama ‘crisis’ interno den partido politico berde AVP ainda no a resolvi. “Tin calmo pero no tin solucion ainda” e lider di partido, Mike Eman a declara dialuna anochi despues di partijraad na e medio 24ora.com. Segun Eman a declara na e medio en cuestion, tabatin un bon combersacion y reunion, pero no a resolve e asunto ainda. No a bisa exactamente cuanto lo dura mi mas detayes. Mes momento e lider a probecha pa clarifica algun asunto cu tabata circula pafo. Entre nan, cu contrario na informacion, ta mesora a cuminsa atende cu e asunto, enverz di e storia cu tur hende ‘a bay sconde’. Por lo menos, asina Eman a laga sa.
ADMISION A Y TRISTESA
Durante e entrevista, e lider a confirma tambe cu tin un impasse, un crisis den e partido, y cu ta conciente cu e partido ta pasando den momentonan fastioso. Y esaki ta un problema pasobra ta netamente 2 siman pasa cu e partido a haya mandato pa ‘rescata’ e pais di e gobierno actual. Pero awor e partido cu mester haci esaki, mes ta pasando den momentonan fastioso, pa cual e por crea duda y tristeza entre su siguidornan y miembronan. Como tal ta trahando duro pa remedia tur e problemanan pa e partido por sali fuerte y asumi e tarea cu a pone pe.
MIKE Y RYCON
E lider di e partido a confirma cu e la papia cu ambos persona en cuestion esta Ryçon do Nacimento y Mike de Meza separadamente, cada uno na nan cas, y cu e combersacionan ey a bay bon y cu a compronde cu tin un asunto mas grandi cu nan mes cu mester keda resolve aworaki. No a saca afo di e entrevista si De Meza a duna Do Nacimento un disculpa (interno pasobra publicamente esaki no a sosode:red) of cu si e personanan a logra resolve e asunto un poco. Kico exactamente kier men cu ‘tin calmo pero no tin solucion ainda’ no a conoci ainda, solamente cu ta papiando, pero cu no a resolve e impasse ainda. Y no ta conoci cuanto dia mas lo sigui asina. Tin reunionan publico e siman aki caba cu tin cu tuma lugar. No ta conoci si prome cu esey e asunto lo ta resolve y cu por mira e dos personanan aki hunto den banki na Parlamento.
E prome barco di fruta y berdura di Venezuela ta yega Aruba dialuna awor
ORANJESTAD - E prome barco di fruta y berdura di Venezuela a yega Aruba dialuna. Asina prome minister di Aruba Evelyn Wever Croes a confirma diahuebs. E la recorda cu desde 1 di Mei 2023, Gobierno di Aruba a habri e frontera maritimo cu Venezuela y dialuna awor, dia 5 di Juni, e prome barco lo yega Aruba cu 15 ton di fruta, berdura y otro mercancia. Cu esaki ta habri e posibilidad di por importa fruta y berdura y otro mercancianan na prijsnan hopi mas barata for di Venezuela yudando asina pa rebaha costo di bida.
52 ciudadano a completa e curso "Finansas Den Mi Hogar"
ORANJESTAD - nteres tabata grandi pa e di tres edicion di Finansas Den Mi Hogar, e biaha aki na Oranjestad. Despues di 4 sesion cu a enfoca riba con pa maneha bo finansas personal, e di tercer grupo di participante a ricibi nan certificado pa e curso Finansas den mi Hogar. E proyecto Finansas Den Mi Hogar a wordo organisa y financia door di Minister di Economia Minister Geoffrey Wever y desaroya y duna door di Fundacion Plan di Bida.
Aruba ta representa na IPKO e siman aki na Hulanda cu 12 Parlamentario
ORANJESTAD – Aruba ta participa cu un delegacion di no menos cu 13 persona den e proximo reunion Interparlamentario di Reino (IPKO) cu ta cuminsa diahuebs awor na Den Haag Hulanda. Noticiacla a haya confirma cu partido MEP tin 6 miembro, AVP 2, partido MAS, RAIZ y ACCION21 cada uno cu 1 miembro, y e dos parlamentarionan independiente Santos do Nascimento y Croes tambe lo tey. Y e griffier mr Herman Hek. Manera informa, e reunion ta cuminsa diahuebs 1 di juni y ta termina dialuna 5 di juni mientras cu 4 di juni ta bira un dia ‘liber’.
Minister a firma un acuerdo riba tereno di enseñansa entre e 4 paisnan di Reino Hulandes
ORANJESTAD – E siman aki Minister di Enseñansa Endy Croes a reuni cu directora di Departamento di Enseñansa Aruba (DEA), Sra. Anne Marie Proveyer y Coordinerend beleidsmedewerker Caribisch Gebied di Ministerie van Onderwijs, Cultuur en Wetenschap di Hulanda, Sra. Mabel van Houten. E motibo di e encuentro aki ta pa firma e Slotconclusie cu a haci dia 20 di april ultimo entre e cuater (4) Ministernan di Enseñansa di Reino Hulandes, esta Minister di Enseñansa di Aruba Sr. Endy Croes, Minister di Enseñansa di Curaçao Sr. Sithree van Heydoorn, Minister di Enseñansa di Sint Maarten Sr. Rodolphe Samuel y Minister di Enseñansa di Hulanda Sr. Robbert Dijkgraaf. Ta trata di diferente palabracion cu a haci riba nivel di Vierlandenoverleg, entre otro, Studiesucces cu ta trata di un beca pa fomenta intercambio di studiante dentro di Reino Hulandes. Ademas di esaki, a trata e Doorlichting Rapport cu Sra. Proveyer. Di 24 te cu 31 di mei tin un delegacion di Hulanda cu tambe ta reuniendo cu departamentonan di Gobierno y tur esnan cu ta trek e Doorlichting Rapport. Sra. Proveyer a duna Minister Endy Croes informacion di tur palabracion cu a haci durante e reunionnan cu delegacion di Hulanda. Pa finalisa, Minister Endy Croes a expresa cu e tabata un reunion extenso, unda cu a trata temanan na nivel di Vierlandenoverleg. Dentro di algun luna e cuater (4) Ministernan di Enseñansa di Reino Hulandes lo bolbe reuni pa trata temanan di interes comun.
Oduber: E proyecto di digitalisacion di e systema di permiso di horeca ta avansando
ORANJESTAD – Minister di Turismo . Dangui Oduber a informa e siman aki cu e proyecto di digitalisacion cu ta avansando. Segun e mandatario, ya caba pa algun tempo trabounan ta andando den e proyecto di digitalisacion y automatisacion cu lo bay mehora e servicio y eficiencia di e “Horeca vergunning” cu Ministerio di Turismo y Salud Publico ta procesa.
Concepto di ley di BBO na frontera a yega Parlamento ‘porfin’
ORANJESTAD – E ley di BBO na frontera ta premira pa drenta na vigor 1 di juli di e aña aki. Diabierna ultimo e concepto di ley a yega Parlamento y a cuminsa pasa riba dje pa por e.o Parlamentarionan manda pregunta pa Gobierno. Asina minister di finanza Xiomara Maduro a bisa dialuna den un conferencia di prensa riba e tema. Tabata intencion pa pasa e ley prome cu 1 di juni 2023 pero esaki no a logra. BBO ta habri frontera pa introducion di BTW na Aruba segun e mandatario.
Follow NoticiaCla
