- AWSS: Medio mei por sinti e efecto nan positivo di e cambio na Bubali su planta
- Caso di Mike de Meza contra DIMP ta fin di mei awor!
- Na Corsou, Gobernador a huramenta Parlamento nobo
- Premier Schoof impresiona cu empresario Kock na Aruba
- Eman: Autosuficiencia y resiliencia Arubano a sobresali durante bishita di premier Dick Schoof
Na Corsou, problema entre dos minister di partidonan MFK y PNP ta sigui
WILLEMSTAD - No ta konosí kiko t’e motibu, pero opviamente no por papia di un relashon sano entre ministernan Javier Silvania i Ruisandro Cijntje. Opviamente pa motibu for di salida dje gabinete aki e atakenan di Silvania a start i a kontinuá te ku awe. Ayera den Parlamento a yega un punto kulminante unda finalmente a pidi partidonan pa bai den konklave pa resolvé nan diferensianan. E dianan ku a pasa a surgi diskushon entre e dos mandatarionan riba investigashon di kalidat di gasolin. Klaramente tabata reina un ambiente di diskordia.
Ayera durante reunion públiko riba e tópiko menshoná dado momentu parlamentario sr. Sheldry Osepa a pidi intervenshon i a opservá ku e tin di konstatá ku no tin unidat den maneho dje gobièrnu aki.
Segun Osepa, aunke e ta algu fèrfelu ku e tin di bisa, pero reglamento di órden di ministernan ta indiká ku ora nan reuní mester tin un unidat den maneho. Su trabou komo parlamentario dualístiko lo ser opstakulisá, pasobra no ta muchu kla ta kua di e dos mandatarionan ariba menshoná tin di kontrolá. Ta un problema serio, i ta un indikashon ku no tin liderazgo den pais n’e momentunan aki. Konsekuentemente el a puntra si no mester pidi presensia di Minister Presidente den Parlamento pa puntr’é ta kiko ta e maneho. E loke ta pasando aki ta un bèrgwensa nashonal.
Despues di e intervenshon di sr. Osepa, Presidente di Parlamento sra. Charetti America-Francisca a splika ku no ta sin mas por yama e mandatario en kuestion sino ku esei lo tin di sosodé a base di un proposishon ku tin di sali for di Staten mes. Parlamentario sr. Rennox Calmes tambe pa medio di un proposishon di òrdu a pidi presensia di Promé Minister teniendo kuenta ku e komportashon straño ku por a nota di parti di gobièrnu di Kòrsou. Na su opinion, ta opvio ku tin diferente mandatario den e gabinete aki ku ta kanando nan propio direkshon, i esei no ta sano.
Despues di a bai den deliberashon, presidente di Staten a anunsiá ku e ta duna e dos mandatarionan espasio pa bai regla e asuntu aki den Fòrti, i finalmente el a skòrs e punto di agènda aki te un próksimo aviso. NOTA: Texto ta scirbi den Papiamento fonetico di Corsou.
Na Corsou, Gobernador a huramenta Parlamento nobo
WILLEMSTAD.- Na okashon di huramentashon di parlamentarionan nobo, gobernadó sra. Lucille George-Wout a hiba palabra na e 21 parlamentarionan, kaminda a pidi nan pa salbaguardiá nos estado di derecho demokrátiko. Na e elekshon dia 21 di mart, pueblo di Kòrsou a papia palabra kla. Komo miembronan di Staten, nan ta asumí nan funshon den tempu kompliká i turbulento. Nos isla ta fuertemente konektá ku e mundu rònt di nos. I susesonan internashonal ta di gran impakto riba nos seguridat, i tambe riba relashonnan sosial. Skohe pa sirbi interes i bienestar públiko, den un époka manera esaki, lokual ku kada un di bosnan ta hasi, ta demostrá kurashí i un sentido di responsabilidat enorme. E desishon aki meresé tur hende su respèt i apresio.
Pastor Curtis Meris, canciyer di Obispado: Papa Leo XIV conoce e realidad di rond mundo
WILLEMSTAD - Ayera huma blanku a sali for di e chimenea na Vatikano anunsiando ku kardinal Robert Prevost ta bira e di 267 Papa na kabes di Iglesia Katóliko. E lo funshoná bou di Papa Leo XIV (14). E di 267 pontífise di misa katóliko a nase na Chicago den 1955, pero tambe tin nashonalidat peruano, kaminda el a traha komo misionero i arsobispu emérito di Chiclayo.
Na Corsou ta sugeri pa traha camber pa Parlamentarionan por drumi!
WILLEMSTAD - Durante di su trabounan e komishon temporal edifisio di parlamento a risibí remarkenan di parlamentarionan pa pensa riba un espasio den e edifisio di parlamento pa parlamentarionan i personal di griffie por sosegá nan kurpa. Asina presidente di e komishon temporal, Juniel Carolina (MFK), ta bisa. E komishon a haña e tarea pa presentá ku alternativanan kon por pone tur operashon di parlamento bou di un solo dak. Aktualmente parlamento i griffie ta usa 4 diferente edifisio.
Segun Google Flights 2025, Corsou ta destinacion # 1 pa Mericano
MIAMI - Di acuerdo cu e portal Google Flights’ 2025 Summer Travel Trends, Corsu ta e destinacion internacional #1 di tendencia pa biaheronan mericano e zomer aki. Esei no ta djis hype segun e portal ya cu e isla aki ta kibrando recordnan, agrega buelonan nobo, revela resortnan nobo nobo,y hala atencion serio di biaheronan cu kier algo mas cu djis un otro escapada na playa. Segun e portal, Aruba ta figura te na number 10.
American Airlines ta añadi extra buelo pa Corsou na december
CHICAGO - American Airlines a anuncia cu e ta agrega mas ruta di weer cayente for di Aeropuerto Internacional di Chicago O’Hare (ORD) pa e temporada di biahe di winter benidero, te na e punto cu e ta redoblando su capacidad pa destinacionnan cayente. American ta agrega cinco destinacion nobo na e 11 cu e ta sirbi actualmente den Caribe, Mexico y Centro America for di O’Hare: Curaçao (CUR); St. Croix (STX); St. Maarten (SXM); Ciudad di Guatemala (GUA); i San José, Costa Rica (SJO).
Na Corsou, dama ta perde bida den trafico
WILLEMSTAD - Corsou ta bolbe lamentá un morto den tráfiko. Tabata den oranan di anochi lat ku un aksidente grave a tuma lugá riba kaminda di Westpunt na altura di Daniel. Sigun informashon ku a yega na redakshon di Extra, ta indiká ku un vehíkulo marka Kia Sportage koló pretu tabata direkshon pariba i pa motibunan deskonosí e shofùr a baha for di kaminda ku su vehíkulo na banda drechi di kaminda i a bai dal kontra di un palu.
Follow NoticiaCla
