WestJet a haya luz berde pa tuma Sunwing Airlines over

CALGARY - The WestJet Group por tuma su competencia Sunwing over.  Asina gobierno di Canada a informa, condiciona na  deal anuncia aña pasa cu ambos compania haya un posicion mas fuerte riba e mercado di aviacion y vacacion.  Door di tuma Sunwing Vacations over, WestJet ta aumenta su poder pa loke ta paketenan di biahe. Ademas, e ta amplia e flota di avion cu e avionan di Sunwing Airlines. Entre otro condicionan, e marcanan WestJet y Sunwing mester sigui existi independientemente, unda cu WestJet ta mantene su oficina principal na Calgary y Sunwing por keda wordo maneha pa por lo menos 5 aña mas for di Toronto y Montreal. Cu esaki ta sigura cuponan di trabou di tur dos. Tambe ta conseha pa e partidonan tuma mas tanto personal Canades den servicio y evita di manda trabou afo pa partidonan externo manera companianan di Charter. 

ARUBA

Tanto WestJet como Sunwing ta bula pa Aruba actualmente, y te hasta a aumenta e frecuencia pa nos isla. Tambe a aumenta e rutanan nobo for di Toronto pa Aruba  .  

HISTORIA DI WESTJET

WestJet a cuminsa como un compania aereo Canades di costo abou pa competi cu e aeroliñanan competitivo di e pais. Nan ta opera un average di 425 buelo y ta transporta riba 45.000 pasahero pa dia.