Reunion di IPKO otro siman ta trata e.o. deficit democratico

ORANJESTAD / WILLEMSTAD – Otro siman parlamento di Aruba ta participa den e prome reunion interparlamentario di Reino (IPKO) pa 2023, cu ta tuma lugar na Corsou. E reunion ta tuma lugar entre Februari 23 pa 3 di maart.  Durante e reunionnan, lo trata e temanan entre otro Deficit Democratico, e recepcion di e fluho di migrante dentro di Reino Hulandes, e relacion cu Reino Hulandes, y e paketenan di reforma (Landspakket) y e historia di slavitud y colonialismo. Ademas e delegacion lo bishita varios sitio en coneccion cu e historia di sclavitud y colonialism.

TRIPARTIT

Prome cu e reunionnan cuminsa, e islanan CAS (Corsou, Aruba y St Maarten) lo reuni hunto den un reunion tripartite, (sin Hulanda). Nan ta discuti temanan cu ta toca specificamente e tres islanan y ta prepara nan mes pa e reunion mes di IPKO. Na final, ta prepara un lista di acuerdo, estableci pa tur delegacion. Esey lo keda presenta diabierna otro siman durante un conferencia di prensa. 

POSICION DI ARUBA

Tabata durante e ultimo IPKO di aña pasa na september na Hulanda cu e presidente di Parlamento di Aruba Edgard Vrolijk a bisa cu Hulanda no solamente mester comberti e prestamo cu Aruba a haya di Hulanda, den un ‘regalo’, sino cu e mester laga Aruba refinancia henter e debe di pais Aruba contra un interes abou. Corsou a purba caba recientemente y a haya un ‘no’ como contesta cerca secretario di estado Van Huffelen.NOTA: E potret ta di archivo di noticiacla.com di e reunion di IPKO na mei di aña pasa.