DIMP: Ta baha tarifa di winstbelasting pa negoshi entrante 2023

ORANJESTAD – Oficina di impuesto DIMP a recorda cu nan ta baha e tarifa general di winstbelasting entrante 1 di januari 2023 di 25% pa 22%, y ta subi e porcentahe di deduccion di inversion (“investeringsaftrek”) di 6% pa 10%. Ademas, ta introduci restriccion di deduccion di entre otro pago di interes pa uzo di bienes y servicio na entidadnan y personanan afilia.

Tambe ta introduci un deduccion maximo riba gastonan di devaluacion (“afschrijvingskosten”) pa cu propiedad inmobil te cu 50% di e balor di propiedad stipula pa grondbelasting y ta elimina e posibilidad di forma un pensioen den propio maneho (“pensioen in eigen beheer”) entrante 1 di januari 2023 cu un periodo transitorio te cu 31 di december 2023 durante cual ta mantene un tarifa reduci di 15% riba compra di pensioen.

NEGOSHINAN (CONTINUACION)

Ta elimina e tarifa reduci di IPC (“Imputation Payment Company”) entrante 1 di januari 2023 cu un periodo transitorio di 3 aña te cu 31 di december 2025.

Ta elimina e tarifa di 0% di dividendbelasting como resultado di eliminacion di e tarifa reduci di IPC entrante 1 di januari 2023 cu un periodo transitorio pa distribucion di dividendo aplicabel bou di e regimen di IPC cu keda realisa prome cu 1 di januari 2028

SALARIO MINIMO DI DIRECTOR (GEBRUIKELIJKLOONREGELING”)

E regulacion di salario minimo pa director ta encera

Cu ta considera cu un director ta ricibi un salario bruto cu ta usual pa e nivel y duracion di su empleo den su compania

E director tin cu paga loonbelasting riba e salario usual (“gebruikelijkloon”)

E regulacion ta valido pa:

1. E director di un empresa huridico (por ehempel NV, VBA), pues no ta conta pa doño di un empresa propio (“eenmanszaak”)

2. E director cu ta accionista mayoritario* di e compania (“directeur grootaandeelhouder”) * Accionista mayoritario tin 25% of mas di e accionnan (“shares”) den un compania. Den e caso aki e director tin un interes substancial di e accionnan den su compania (“aanmerkelijk belang aandelen”).