Competencia Hubenil “Gang Di Arte Aruba” a celebra na grandi nan di 15 aña

Posted on 11/14/2022 9:06 am AST | Updated on 11/14/2022 9:08 am AST

ORANJESTAD – Recientemente a tuma luga e Final di e Competencia Hubenil: “Gang Di Arte Aruba” cu a celebra na grandi nan di 15 aña di existencia, na Cas di Cultura Aruba.  Tur hoben participante mester a traha un obra creativo y original cu e tema central: “Talentonan Scondi”. Un total di 15 grupo a participa den un prefinal cu a tuma luga na “Aruba Art Fair” durante di e Programa di e Performance Art dedica na Hubentud, un actividad exitoso cu a tuma luga diasabra 5 di november 2022 na unda un cuerpo di hurado a kies e 10 grupo cu a pasa na e ronda final.

E participantenan cu a logra clasifica pa e ronda final tabata

1.      Alysa Brete cu Arte Visual & Fotografia. 2. Naomi Arrindell, cu Poesia. 3. Grupo di baile The Fearless Four cu Shannee Toussaint, Beverley Elliott, Sheri Godet y Xiandrény Donata. 4. Gonzalez Duo (Alakina Gonzalez Lujan / Alejandro Gonzalez Lujan) cu dominio di guitara y keyboard y compaña pa Denzel Tromp y Andrew Webb. 5. Duo di rap; Zef Kerr & Brandon Kerr. 6. Guicel Krozendijk cu Arte di Palabra y canto di rock. 7. Grupo di teatro The Fantastiv Five; Juliana Rowe. Marie Jayne Vriend, Abigail Evertsz, Naomi Arrinde y Kaiden Paternina. 8.Guizza Steenvoorde cu Solo Performance cu Arte di Palabra y Baile. 9.Grupo di canto rap y baile I-LEDM; Dimitri Leonora, Isdell Hyacinme, Lenz Julien y Amylenne Roga. 10. Grupo di baile No Image Dance Crew; Shäindra Ashby, Shantal Arzuza Avila, Arzuliane Arzuza Avil, Dinaly Yarzagaray y Alysa Brete.

Na inicio di e actividad despues di un apertura di baile presenta pa e participantenan, tabatin e presentacion di e Proyecto Hubenil: “Op Zoek Naar Boy” Presenta pa Catharsis Productions; Proyecto Escolar den cooperacion cu Filomena College Mavo, Colegio San Antonio, Muchila Creativo, Monumenten Fonds y Departamento di Cultura Aruba, dedica na Boy Ecury.

Como invitado special tabata tin e lansameto di e mas reciente produccion di nos hoben talentoso Stephanie Quant.

Durante di e anochi tabatin tambe invitadonan di Boneiro; Sulainie Martis y Reginald de Palm cu ta representa Openbaar Lichaam Bonaire, Seccion di Cultura, Arte y Literatura y Sr. Bernhard Comproe cu ta representa ACE Foundation. E motibo cu e invitadonan di Boneiro tey, ta paso nan tambe ta organisa Gang di Arte Boneiro y e ganadonan di Gang di Arte Aruba, lo bay representa Aruba na Boneiro na mei 2023

E resultado final di e top 5 di e anochi a keda nomina na:

5 luga: Guizza Steenvoorde.

4 luga: (BMT)  Zef Kerr & Brandon Kerr.

3 luga: Guicel Krozendijk.

2 luga: Gonzalez Duo: Alakina Gonzalez Lujan y Alejandro Gonzalez Lujan. 

Prome luga: Grupo No Image Dance Crew; Shäindra Ashby, Shantal Arzuza Avila, Arzuliane Arzuza Avila, Dinaly Yarzagaray, Alysa Brete.

Pa mas potret y video por bishita e pagina di FB “Gang di Arte Aruba” y nanInstagram “Gang_di_Arte”.

  • Powered by SETAR