Early Bird Special pa e di 5 aña di Diabetes Run & Walk 2022

ORANJESTAD - Aruba Aloe y Botica di Servicio ta bini hunto pa e di 5 aña di nan Diabetes Run & Walk riba diadomingo, 13 di November 2022 y pa encurasha e comunidad pa bin participa den e evento, nan ta haciendo un Early Bird Special te cu 30 di September 2022. Subway tambe ta participa den e Early Bird Special como main sponsor di e kids run. 

Participantenan por registra via www.diabetesrunaruba.com, paga prome cu 30 di September y participa pa e chens di gana un di e premionan grandioso cu tin di e Early Bird Special. 

Cu e evento aki, e organisacionan por recauda fondo pa yuda personan cu diabetes riba e isla haña miho aceso na e cuido cu nan mester atraves di e progama di PRISMA pa prevencion di diabetes tipo 2 cu Fundacion Diabetes Aruba ta provee. PRISMA ta un programa, en especial pa personan cu diabetes tipo 2 cu kier tuma control di nan salud, crea un miho maneho di nan diabetes y preveni cualkier otro complicacion di salud. 

Diabetes ta un problema serio riba e isla di Aruba, di cual e porcentahe di personan cu diabetes ta casi dobel e porcentage di e populacion mundial cu tin diabetes. E mitad di pashent cu diabetes no ta ni na altura cu nan tin e malesa y no ta ricibi e atencion medico cu nan mester.

Aruba Aloe, Botica di Servicio, Subway y FDA ta kere cu un estilo di bida saludabel ta reduci e riesgo the e necesidad di medicamento of yuda e pashent mantene nan diabetes bou control. Pa agrega, comiendo saludabel, hasi ehercicio y tambe baha di peso lo causa e curpa pa reaciona di un manera positivo na insulina. 

Scan e QR code aki y inscribi pa nos newsletter pa mas detaye tocante e di 5 edicion Diabetes Eun & Walk 2022.