Corsou ta gana Mexico den Little League World Series y pasa pa final!

WILLIAMSPORT – E seleccion di Corsou representando Caribe den Little League Worlds Series a gana di Mexico cu e score di 2-1 y ta pasa pa e final internacional contra Taipei diasabra awor. E wega tabata gana pa Mexico 1-0 den di 4 inning, pero un inning mas leu, den di 5, Corsou a hinca 2 careda. Den di 6 inning, Corsou a haci bon fildeo, door di gara dos fly ball (uno infield y otro outfield) y a deshaci di un bon toque. E infield fly out tabata e out final cu a pone cu Corsou ta pasa pa final.