Chauffeurnan di autobus a pidi aumento di tarifa per direct

ORANJESTAD – Chauffeurnan di autobus awe mainta a manifesta nan malcontento dilanti Bestuurskantoor diabierna mainta, pidiendo un aumento di 1 florin per direct riba e tarifa di autobus, debi na e aumento di gasoline y diesel recientemente. A entrega un carta na minister Ursell Arends, cu e peticion pa mas tarda dialuna merdia awor 12’or duna un contesta positivo. E mandatario na su turno, a bisa cu e tin consideracion cu e chauffeurnan pero pa haci cambio, tin un proceso cu tin cu cana pues esey ta tuma su tempo. Esaki kier men cu no ta sigur cu pa dialuna e por confirma cu e tarifa por aumenta asina asina, pero cu e lo trata e asunto cu e diligencia necesario.