Disturbio diaranson a produci 38 mm di awacero pa Aruba

ORANJESTAD - Meteo a di informa cu e peor di e mal tempo ta mustra di ta tras di lomba, sin causa daño mayor na Aruba. E mal tempo a pasa basta leew di nos, 90 km zuid di Aruba.  Ya pa 11or pm diaranson anochi National Hurricane Center a kita e status di Aruba di tropical storm warning. “Nos lo sigi monitor pa mira si un “rabo” por causa molester” prome minister Evelyn Wever Croes a bisa diaranson anochi laat. 

AWACERO

E cantidad di awa cu a cay, tabata uno cu Aruba tabata prepara pe, segun e mandatario.  Awacero por sigui cai e sigiente dianan. “Awor e diferente departamentonan ta bai sali pa haci assessment di e daño y pa aweden e update di 12or di merdia, lo duna mas informacion.  Shelter in place a caba 6.00 am y no a wordo prolonga. E ora tur hende ta liber pa move  atrobe y comercio por habri normalmente. Sector publico por acuminsa start up awe pa  por duna servicio atrobe. “Te ainda ta parse cu nos a sali bon di esaki. Dios ta grandi y Aruba ta bendiciona” e mandatario a finalisa bisando.