- Sindicatonan ta insisti! Mester paga reparatietoeslag completo fin di augustus awor!
- Hulanda mester a bolbe desmenti reapertura di frontera cu Venezuela
- Otro siman e rotonde nobo na cruzada di Elmar na Playa ta cla!
- Aruba ta cla pa e di 4 edicion di “Vow Renewal” na Eagle Beach
- Casa di Gobernador di Aruba a publica buki di receta
OM: A confisca avioneta na Aruba pero no pa motibo di oro
ORANJESTAD – Mientras cu a desmenti cu a confisca un avion recinetemente relaciona cu oro for di Venezuela, ministerio publico a confirma pa noticiacla.com diamars cu enberdad a confisca un avioneta, pero pa otro motibo. “Berdad un avioneta den beslag na inicio di februari” Ann Angela a bisa. Mes momento vocero di aeropeurto Hendrik Croes tambe a confirma esaki.
AVION PRIVA
Segun vocero di aeropuerto Hendrik Croes, un avion priva a keda confisca dos siman pasa na Aruba, riba peticion di gobierno Mericano. “Pero e motibo no ta conoci pa nos” Croes a sigui bisa. Investigando mas aleu, OM su vocero a duna mas informacion. Segun Angela, a confisca e avion relaciona cu violacion di ley di aviacion. “No tin di haber cu oro ni placa, ni cu nada di tur loke ta circula den media actualmente” Angela a sigui bisa.
COMUNICADO
Algun rato despues, OM a manda un comunicado desmintiendo oficialmente e noticia di Venezuela, di e supuesto oro y placa cu lo a yega Aruba y cu lo tin detencion di 3 Venezolano. “E noticia aki den media Venezolano no ta basa riba berdad. Autoridadnan Arubiano nunca a tuma casi un tonelada di oro den beslag abordo di un avioneta Venezolano. E noticia ta falso” e comunicado a bisa entre otro. Algo cu for di dialuna, autoridadnan (gobierno y direccion di aviacion civil) a desmenti caba pa e portal aki.
MISTERIOSO
E caso pues ta keda misterioso, unda cu di un banda ta confirma finalmente cu enberdad tabatin un avioneta confisca, pero no ta uno cu lo ta envolvi cu oro ni placa. E noticia ta den proceso ainda.
Sindicatonan ta insisti! Mester paga reparatietoeslag completo fin di augustus awor!
ORANJESTAD – E cinco sindicatonan SIMAR, SPA, SEPPA, SADA y TOPA diaranson (ayera) a informa Gobierno di Aruba (lesa: Prome Minister Evelyn Wever Croes) cu nan ta para riba nan punto y ta exigi pa Gobierno paga nan e asina yama reparatietoeslag completo (AWG 1918,=), den e salario di augustus 2022, esta e luna aki. Asina e sindicatonan a contesta Gobierno su carta di siman pasa. Ademas e ponencia den e carta di Gobierno unda cu minister Maduro (Finanzas) lo a bisa recientemente cu a reserva placa pa paga 5% pa resto di e aña calendario, ta ‘leu di berdad!’.
Otro siman e rotonde nobo na cruzada di Elmar na Playa ta cla!
Aruba ta cla pa e di 4 edicion di “Vow Renewal” na Eagle Beach
Casa di Gobernador di Aruba a publica buki di receta
ORANJESTAD – Casa di Gobernador di Aruba Alfonso Boekhoudt, esta sra Hanneke Boekhoudt, no a sinta keto mientras cu su casa ta eherce e funcion di Gobernador, y a publica recientemente su buki di receta, titula ‘Con Gusto!,. 30 succesrecepten’. E ta un buki, manera e titulo ta bisa, di 30 receta di cuminda na Hulandes. Gobernador mes a mustra su orguyo, door di lansa esaki riba su pagina di Facebook y a informa alavez cu e siguiente proyecto di su casa ta pa lansa e mesun buki na ingles. Ta desea e casa tur cos bon cu e buki. “Orguyoso di mi casa su logro” Gobernador a pone riba su pagina personal, mustrando su orguyo pa su casa.
Biaheronan pa Aruba no ta obliga mas pa segura contra Covid19
ORANJESTAD – Entrante ayera, biaheronan pa Aruba no mester busca seguro mas pa Covid19, e asina yama ‘Aruba Visitors Insurance’. Cu esaki, tur rekisito pa Covid19 ta keda cancela. Pero, si un bishitante test positivo pa Covid19, e tin cu isola ainda si. Fuera di esey, no tin nada mas di restriccion. Pa esnan cu biaha pa Aruba, tur cu permanece mas cu 24 ora riba e isla, mester yena un ED card si (Embarkation and Disembarkaion Card. Asina mes, autoridad local por re institui tur regla si esaki bira necesario.
Aruba a raporta 189 caso nobo di Covid19 siman pasa
Follow NoticiaCla
