Thodé: Awor por studia pa 'Bachelor' - 'Master' y hasta pa 'PhD'

ORANJESTAD – Awe mainta a drenta e tristo noticia cu conocido ciudadano, Rudolf (Rudy) Oduber Sr, a bay sosega na edad di 87 aña. Segun informacion ricibi e tabatin poco kebrante di salud pero tabata bon bon si. Pa su kebrante di salud, e la keda interna diasabra den hospital pa haci algun test relaciona cu esaki. Aparentemente e lo a sufri un atake di curazon den marduga, cu lamentablemente e no a wanta. Sr Rudy Oduber ta tata di conocido ex director di WEB y actual presidente di Aruba Rotary Club, Luis Oduber y ex minister Otmar Oduber. E tabata casa cu Clara, y na 2018 a cumpli 60 aña di feliz bida matrimonial. Noticiacla ta manda palabra di forza na famianan di sr Rudy Oduber y ta desea su casa, yiunan y demas famia, hopi forza. Cu Rudy sosega na paz. 

ORANJESTAD – Segun servicio meteorologico su post riba su pagina di Facebook, nos por spera poco yobida y lamper diaranson tempran y diahuebs. Ademas segun e pronostico local, nan ta bisa cu ‘Den caso di un yobida, spera biento fuerte y poco inundacion di caya”. Mucho mas no ta bisa. Y tampoco cu ta for di awe nochi caba por spera e mal tempo. For di ayera tabatin hopi informacion circulando riba rednan social di mal tempo yegando Aruba y Corsou for di awe diamars caba. Hasta gobierno di Corsou a postula un mensahe di alerta pa cu e mal tempo cu nan ta spera for di awe. E potret satelital ta esun cu ta acompaña e pronostico di tempo di Aruba. 

ORANJESTAD - Departamento di Salud Publico di Aruba dialuna a informa cu nan a bin ta monitor di serca e desaroyo tumando luga na Europa, Merca y recientemente den Caribe riba e casonan di transmision di e virus di Measles.

ORANJESTAD – Despues di algun dia di ‘sosiego’, awe e fenomeno di perdida di coriente na Aruba a bin bek duro, unda cu no uno sino tres biaha caba, coriente a bay. Tur esaki mientras cu e team di MPR di Washington ta na Aruba pa investiga e problemanan cu tabatin ultimo tres siman. “MPR ta na Aruba continuando nan investigacion, y e problema di corriente y e molester y daño cu e ta haci nos comunidad lo haya: Conclusion, resolucion y acción y solucion” ta loke e minister encarga Glenbert Croes a bisa Noticiacla awe. E ta spera cu pa e fin di siman aki, e grupo aki tin un relato di e motibo y e solucion. Ta logico cu no ta culpa di MPR cu e coriente a bay, pero si ta bon cu nan mes por a experencia esaki pa porta agilisa nan investigacion riba e problemanan. Tambe, ningun di e biahanan aki, tabata trata di problema di blaas. 

ORANJESTAD – Diabierna dia 17 di mei ultimo WEB Aruba y Wärtsilä Finland Oy a firma e ‘final take over’ di planta RECIP IV. Cu e firmamento aki, Wärtsilä formalmente a entrega e planta na WEB Aruba. Operacion di RECIP IV ta conduci na un reduccion drastico di combustibel, na menos emision di gas den medio ambiente y na tarifanan di coriente sostenibel. Ademas, na momento di interupcion di suministro di coriente, e tempo pa recupera ta hopi mas cortico cu den pasado. E ceremonia a tuma lugar den planta di WEB den compania di diferente mandatario, diferente partner di proyecto, empleadonan y contratistanan di e compania di awa y energia. Pa e ocasion aki a haci un donacion total di Awg. 27.500,- na diferente instancia educativo, social y deportivo.

ORANJESTAD – Den menos cu 12 ora, dos accidente separa a causa interupcion di coriente na Aruba. Si tabata blaas di helium, awor ta accidente tras di accidente ta sosode cu e mesun consecuencia. Mester bisa si cu e ultimo caso, ta mas bien un incidente cu un accidente. TA un truck cu a pasa ranca waya di coriente den area di Kudawecha cu a causa un interupcion grandi den area di Sabana Liber, Noord y vecindario. E interupcion awe mainta tabata algo despues di 9’or esta 9:08 di mainta. Esun prome, manera cu nos a raporta caba, a sosode algo despues di mei anochi, unda cu aki si un auto a accidenta mes, lagando suficiente destruccion atras di un palo di coriente completo.