Accidente di trafico serio riba Watty Vos Boulevard, ta laga hopi destruccion y trafico mal pega

ORANJESTAD – Un accidente grandi riba Watty Vos Boulevard a laga hopi destruccion di tanto auto como caminda, y un trafico mal pega pa basta rato, ya cu mester a haci reparacion urgente riba e boulevard. Un chauffeur lo a perde control riba su auto, y a dal den e parti di beton banda di caminda, kibra esaki di tal forma cu e beton a keda colga peligrosamente riba caminda y causando destruccion te riba e caminda cu ta wordo usa pa deportistanan jog. E auto no a stop eynan y a sigui dal otro banda di caminda, laga pida bumper riba caminda y bay pega otro banda di e caminda den un otro pida beton. Autoridad mester a cera full e parti ey, causando un trafico mal pega, ya cu pa por habri e caminda, mester drecha e pida beton pa seguridad di trafico. E automobilista mes a keda herida tambe aunke no ta conoce su gravedad. Potretnan ta screenshot cortesia di 24ora.com