Bonaire: Bernabela a declara su mes 'independiente' na Bonaire

Bonaire: Bernabela a declara su mes 'independiente' na Bonaire

Posted on 05/3/2016 11:20 pm AST | Updated on 05/4/2016 7:31 am AST

KRALENDIJK - Oficialmente durante reunion di eilandsraad diamars anochi na Bonaire, ex miembro di UPB Esther Bernabela a declara su mes independiente. Dunando un splicacion amplio, ela mustra cu mientras cu e lider di partido ta sostene, e no ta e loke e tabata kier. "E lider a bisami cu e ta sostene mi. E ta para mi tras. Pero e no mester a para mi tras. E mester a para mi dilanti, bandi mi. Pero no mi tras" Bernabela a bisa, causando hopi aplauso den e sala. Pa loke ta e posibel formacion di un gobierno nobo, esaki ainda no a keda cla pa wordo anuncia. 

GOBIERNO NOBO

E intencion tabata pa diamars anochi caba, partidonan participa kico e plan ta y con e gobierno 'nobo' lo ta hinca den otro. Diamars anochi, fuentenan di NoticiaCla.com a mustra cu pa diaranson nan lo mester 'keda cla' cu e formacion di e gobierno nobo. Manera NoticiaCla.com a raporta anteriormente, tabata despues cu gobierno di patia di Bonaire, esta e coalicion entre partidonan UPB y Democrat a cay diabierna mainta, cu trabounan a cuminsa tras di cortina, pa forma un gobierno nobo. Fuentenan cerca di e proceso, a confirma e momento ey na NoticiaCla.com cu tabatin tres miembro di MPB hunto cu sra Jeanoushka "Nunu"  Raphaela y posiblemente Esther Bernabela cu a benta e gobierno abou, lo tabata papiando cu otro pa un posibel formacion di 5. Manera ta conoci tin 9 asiento y pa tin un gobierno, mester tin por lo menos 5. Ta premira cu pa otro siman diamars anochi ora cu tin un proximo reunion di conseho insular, e formalisacion por tuma lugar di e proximo gabinete. E fuentenan a bisa cu 'pa diamars Bonaire lo mester tabatin su gobierno nobo'. Intentonan pa papia cu lider di tanto MPB y Democrat, no a duna resultado, aunke cu e fuentenan ta cerca di e partidonan y a confirma e intentonan menciona.  

 

 

  • Gotopo: Venezuela a perde mas di 250 miyon dollar na exportacion cu islanan ABC

    Gotopo: Venezuela a perde mas di 250 miyon dollar na exportacion cu islanan ABC

    CARACAS – Venezuela a stop di ricibi mas of menos $250 miyon di dollar Mericano na exportacion d fruta y vegetables durante e ultimo tres aña y mei cu e frontera cera cu islanan ABC. Asina director di Camara di Comercio di Vela di Coro Juan Gotopo a informa e siman aki. A stop di exporta mas di 60 mil tonelada di fruta y vegetable, cu ta un cifra sin calcula materia seco of producto seco cu ta los di e loke ta menciona caba manera material di construccion, producto plastico y  cuminda pa bestia. 

  • Caribbean Journal: Aruba riba lista di islanan den Caribe pa top 50 restaurant

    Caribbean Journal: Aruba riba lista di islanan den Caribe pa top 50 restaurant

    MIAMI/ORANJESTAD – E portal turistico Caribbean Journal a pone Aruba riba e lista cu tin e top 50 restaurantnan riba e islanan den Caribe. E ta un lista popular cu segun e rekisito, ta investiga exhaustivamente riba esaki y ta dicidi cua ta e 50 restaurantnan miho den Caribe a base di varios criteria. E restaurant den e caso aki ta Screaming Eagle na Eagle Beach. E lista ta basta extenso y Aruba ta ubica na posicion number 6.   

  • Bonaire ta introduci impuesto di entrada nobo pa bishitantenan

    Bonaire ta introduci impuesto di entrada nobo pa bishitantenan

    KRALENDIJK - Tur hende cu biaha pa Boneiru y no ta biba na Boneiru mester paga un Visitor Entry Tax na yegada na Boneiru. E Visitor Entry Tax akí, o sea Boneiru su impuesto di turista, a drenta na vigor dia 1 di juli ultimo. 

  • Diputado den Heyer di Bonaire ta confirma retiro di politica

    Diputado den Heyer di Bonaire ta confirma retiro di politica

    KRALENDIJK – E diputado di Bonaire Nina den Heyer a confirma na noticiacla diabierna mainta cu enberdad e ta retira di politica activo otro aña y no ta participa na e proximo eleccion. Cu esaki e ta confirma rumornan cu a circula for di un dia prome den medio di e isla. Sra den Heyer ta diputado pa partido MPB y tabata e votegetter den e ultimo eleccion. E ta conoci pa ta un persona di estatura chikito, pero grandi den su actonan, pa cual semper e la sa di resalta. Segun e mandatario, tin un tempo pa bin y uno pa bay y e posicion no ta algo pa semper. 

  • Van Huffelen a subi e punto di mas halto di Reino Hulandes, Mount Scenery

    Van Huffelen a subi e punto di mas halto di Reino Hulandes, Mount Scenery

    THE BOTTOM – E siman aki secretario di estado Alexandra can Huffelen hunto cu minister Hugo de Jonge a subi e punto mas halto di Hulanda, e sero volcanico Mount Scenery durante su bishita na Saba. “ Un subida fuerte pa e punto mas halto di Reino, pero e bista ta mas cu bal’e. Laga nos tur cuida e naturalesa bunita aki” e mandatario a bisa na final di e subida. E mandatario ta riba un biahe di trabou na Caribe Hulandes, unda cu diamars e ta bishita Statia y ta sigui diaranson pa Bonaire, unda cu e lo keda te fin di siman y ta termina su bishita na Aruba cu un reunion cu tur tres prome minister di Aruba, Corsou y St Maarten.   

  • Tres persona deteni na St Maarten pa manipulacion di fondo di recuperacion horcan Irma

    Tres persona deteni na St Maarten pa manipulacion di fondo di recuperacion horcan Irma

    PHILLIPSBURG – Na St Maarten a detene 3 persona riba sospecho di fraude cu placa cu tabata destina pa recuperacion di e isla despues di horcan Irma. Polis a haci tres entrada hudicial na residencia y na 2 oficina. E isla a wordo afecta seriamente na 2017, a consecuencia di e horcan cu a pasa riba e isla cu forza di biento di 300 km pa ora. Riba e parti Hulandes 4 persona a muri y tambe riba e parti Frances. Na tur, 134 persona a perde nan bida cu eorcan aki. Hulanda a pone 500 miyon euro disponible pa e isla. E fraude den e caso aki lo a sosode cu trabounan di e aeropuerto Juliana.  

  • Powered by SETAR