Minister Hulandes Letschert lo bishita scolnan y Universidad di Aruba

ORANJESTAD — Minister Hulandes di Enseñansa, Cultura y Ciencia, Rianne Letschert, lo bishita Aruba dia 20 di november 2026, como parti di un gira oficial den Caribe Hulandes y e paisnan Caribense di Reino, cu ta inclui Sint Maarten y Corsou.

Durante su estadia na Aruba, Letschert lo wordo ricibi pa Gobernador Alfonso Boekhoudt. Despues, e minister lo bishita Scol Primario Kudawecha, como parti di programa Kibrahacha, un iniciativa enfoca riba formacion conjunto di maestronan pa enseñansa primario na Aruba, Bonaire y Corsou.

E programa tambe ta inclui bishitanan na Enseñansa Profesional Basico (EPB), Universidad di Aruba y Archivo Nacional Aruba.

E gira ta relaciona cu e reunion ministerial di enseñansa, cultura y ciencia di e cuater paisnan di Reino (M4LO), cu lo tuma luga na Sint Maarten. Aruba lo ta representa pa Prome Minister Mike Eman, tambe Minister di Cultura, y Minister di Enseñansa Gerlien Croes.

Durante e reunion lo discuti temanan manera conexion entre enseñansa y mercado laboral, enseñansa den diferente idioma, uzo di celular den klas y programa Strategic Education Alliance (SEA), destina pa mehora exito academico di studiantenan Caribense.

E bishita di Letschert na Aruba lo marca final di su gira oficial, cu ta cuminsa dia 16 di november.