Erik Martini ta e Consul General nobo di Merca pa seis isla di Caribe Hulandes

WILLEMSTAD – Merca a duna bon bini na Erik Martini, kende a asumi e funcion como e nobo Consul General di Merca y Chief of Mission pa e seis islanan di Caribe Hulandes.

Martini ta trece cu ne un amplio experiencia diplomatico, cu un trayectoria profesional cu ta cubri diferente regionnan di mundo, incluyendo Latinoamerica, Europa, Africa y Asia.

Cu su nombramento nobo, e lo ta responsabel pa representa Merca den e seis islanan di Caribe Hulandes, mientras cu e mision diplomatico ta sigui fortalece e relacionnan entre Merca y e comunidadnan local.

FORTALECE RELACIONNAN Y COOPERACION

Den su funcion nobo, Consul General Martini ta expresa su entusiasmo pa conoce e diferente comunidadnan di e seis islanan, fortalece alianza y colaboracion existente y conoce e caracteristicanan mas profundo cu ta haci cada isla unico.

Su experiencia internacional ta brinda un base importante pa sigui desaroya relacionnan diplomatico, intercultural y institucional den e region.

E seis islanan di Caribe Hulandes tin nan propio identidad, cultura y realidad, y e nobo Consul General ta manifesta su interes pa conoce nan y sigui construi un brug entre e comunidadnan y Merca.

BON BINI NA CURAÇAO

E bonbini oficial a wordo dirigi na Consul General Martini na Corsou, unda e ta cuminsa su nobo etapa diplomatico.

Cu su experiencia internacional y su compromiso pa fortalece relacionnan, tin expectativa pa su contribucion na e cooperacion entre Merca y e seis islanan di Caribe Hulandes.

NoticiaCla ta desea Consul General Erik Martini hopi exito den su nobo funcion.