Na Hulanda, VVD ta menasa vota contra plan di impuesto y ta exigi cambio den gabinete Hulandes

DEN HAAG — Tension den coalicion Hulandes ta sigui aumenta despues cu VVD a anuncia cu no lo sostene e plan di impuesto si e cambionan proponi pa Pro y Volt, cu sosten di D66 y CDA, wordo aproba.

Lider di fraccion di VVD, Brekelmans, a confirma cu su partido lo vota contra e plan si e propuesta pa aumenta impuesto pa personanan cu patrimonio grandi haya mayoria den Parlamento.

E posicion aki a provoca critica di otro parlamentarionan, incluyendo Geert Wilders, kende a cuestiona con VVD por vota contra un plan importante di Gobierno y, na mes momento, keda den gabinete.

Brekelmans no a kier specula tocante consecuencia politico di e decision, pero a reafirma cu VVD ta exigi un "reset" fundamental di gabinete.

E tension a surgi despues cu D66 y CDA a yega na un acuerdo cu Pro y Volt sin informa VVD previamente. Tanto lider di VVD, Dilan Yesilgöz, como Brekelmans a expresa nan descontento cu e manera cu e negociacionnan a tuma luga.