Porter ta conecta Ottawa cu Aruba dos biaha pa siman

ORANJESTAD — Porter Airlines lo cuminsa vuelonan directo entre Ottawa y Aruba dia 7 di november, cu dos vuelo pa siman durante temporada di invierno.

E ruta nobo ta amplia e conexion aereo di Aruba cu Canada y ta ofrece biaheronan di e capital canadiense un opcion directo pa bishita e isla durante e lunanan frio.

Aruba ta forma parti di e expansion di Porter pa destinacionnan di solo desde Ottawa, cu ta inclui tambe Montego Bay, Providenciales y Los Cabos.