Israel ta vota: Netanyahu ta keda na poder?

JERUSALEM — Electornan na Israel ta vota awe, diamars 27 di october, den e prome eleccion parlamentario desde e atake terrorista di Hamas dia 7 di october 2023. Seguridad, e guerra na Gaza y futuro politico di Prome Minister Benjamin Netanyahu ta domina e eleccion.

Netanyahu, e prome minister cu mas aña na poder den historia di Israel, ta enfrenta oposicion fuerte di Gadi Eisenkot, ex-hefe di ehercito y lider di partido Yashar. Segun e ultimo encuestanan, Yashar ta dilanti di partido Likud di Netanyahu, pero ningun di e dos blokenan politico tin un mayoria sigura.

Parlamento di Israel, Knesset, tin 120 asiento y ta mester minimo 61 pa forma un gobierno. E lucha electoral ta draai tambe rond di responsabilidad pa e fayecimentonan di seguridad durante e atake di Hamas, reformanan hudicial y servicio militar obligatorio pa hudionan ultraortodoxo.

E sufrimento di Palestinonan na Gaza ta ricibi relativamente poco atencion den campaña. Si ningun bloki logra forma un mayoria, Israel por enfrenta un impasse politico y posiblemente otro eleccion.

E urnanan ta cera pa 10'or di anochi, ora local, despues di cua e prome resultadonan di encuesta na salida di urna lo wordo publica.