Van der Burg: Refineria y prizon ta exigi trabou grandi na Aruba

ORANJESTAD — Secretario di Estado Hulandes Eric van der Burg a conclui su bishita di un dia y mei na Aruba cu atencion pa cooperacion den Reino, oportunidad pa hobennan y e retonan di e exrefineria Lago y prizon. “Aruba ta hopi mas cu solo, lama y beach,” el a expresa den su recapitulacion. Su programa a inclui Autentico foodfestival, un audiencia cu Gobernador Alfonso Boekhoudt y reunionnan cu Prome Minister Mike Eman y Vicepremier Gerlien Croes. Nan a papia di un EU-Platform pa aprobcha subsidionan europeo miho, continuacion di Landspakketten y progreso di Rijkswet HOFA.

Na Trampolin Pa Trabao y e kazerne di marinierskazerne, Van der Burg a mira con trabou y formacion por yuda hende cu limitacion y hobennan cu poco perspectiva participa den sociedad.

E ex-refineria Lago a laga un impresion menos positivo. El a describi un tereno grandi y contamina, cu instalacionnan frustia. “Saneamento y reorganisacion ta un trabou di gran magnitud,” el a indica. Hulanda ta contribui cu experticio pa elabora e plannan.

Tocante prizon, Van der Burg a señala cu parti di e facilidad actual no ta cumpli cu exigencianan di e tempo aki. Hulanda ta sostene su reorganisacion, mientras Gobierno di Aruba tin plan pa construccion nobo.

E bishita a termina cu informacion tocante control fronterizo na aeropuerto. Van der Burg a describi e encuentro como constructivo, cu enfasis riba trabou hunto den Reino. Potret di archivo di notiicacla.