Red Democratico ta confirma su directiva y discuti ideanan urgente pa goberna Aruba

ORANJESTAD — Partido Red Democratico a tene su reunion anual di miembronan dia 11 di oktober 2026, den forma virtual, durante cual a confirma su directiva y discuti propuestanan pa futuro di Aruba.

E directiva ta consisti di Fejite Zijlstra como presidente, Asmid Zijlstra como tesorero y Danny Boekhoudt como secretario.

Durante e reunion, e tesorero a presenta e informe financiero, mientras e presidente a duna un resumen di posicion y actividad politico di e partido. E miembronan presente a participa den un intercambio di ideanan tocante asuntonan urgente cu Aruba mester atende pa por goberna e pais efectivamente.

Red Democratico a expresa su intencion di sigui contribui na debate politico cu ideanan innovativo y ta spera di haya apoyo di pueblo pa su propuestanan. E partido no a specifica cua medidanan concreto a sali for di e reunion.